【Emily】林太月餅送記者 葉劉又曬旗袍
[2021.09.22] 發表
【明報專訊】噚日中秋節，特首林鄭月娥見記者後，向在場傳媒派發美心流心奶皇月餅，附上一張印有卡通版林太嘅心意卡，印有「中秋節快樂」同林太簽名。林太噚日出席行政會議前見記者時，背景幕打出「月滿中秋 共慶佳節」字句 。
政界中人亦紛紛出文賀中秋，新民黨主席葉劉淑儀推出新一輯旗袍相，仲問網民：「我在杭州買的旗袍好看嗎？」葉太喺facebook帖文中，點名感謝財經專欄作者渾水送咗盒月餅畀佢，話味道唔錯，但就問點解月餅盒有佢個樣。葉太仲引詩「萬里無雲鏡九州，最團圓夜是中秋」賀中秋，佢話中秋代表家庭團圓，祝願各位家庭幸福之外，希望早日通關，等分隔兩地嘅家庭可以早日團聚。葉太上載旗袍相後，10小時內吸引近1900人畀like，不過有網民批評係「貴族生活式的炫耀」。
民建聯鄭泳舜亦上載咗張運動相，祝願各位中秋節快樂同時，問大家有冇食多咗月餅，「開心過後又係時候跑多幾圈」，提醒趁今日放假記得做吓運動，「運動是為了食得更多」。
更多港聞
資優生多未獲發掘 錯過報讀黃金期 資優學苑鼓勵學校提名 「非名校專利」
【明報專訊】2008年成立、政府資助的香港資優教育學苑，供10至18歲資優生免費參加各類課程，每年約1300個新生名額，平均8人爭1席。現時... 詳情
【明報專訊】政府昨日公布下學年（2022/23）「指定專業?界別課程資助計劃」（SSSDP）資助學士學位課程名單，涵蓋8間專上院校的44個課...
詳情
相關新聞
