【Emily】鍾國斌駁「控煙助長壽」論：鄧小平煙不離手到90幾歲
[2021.09.11] 發表
【明報專訊】港大研究團隊早前發表報告，話發現香港之所以多次蟬聯全球最長壽地區，關鍵之一在於吸煙相關疾病嘅死亡率低，認為港人長壽係同控煙政策有關。不過自由黨嘅議員唔buy呢個報告。噚日立法會就禁止電子煙、加熱煙嘅修例召開法案委員會，該黨幾個議員輪流發炮，黨魁鍾國斌就話已故國家領導人鄧小平「煙不離手」，到90幾歲先至逝世，反問如果話港人因為控煙措施好而長壽，「不如禁埋傳統煙，港人平均壽命可能去到90幾歲都唔定」。
邵家輝：日本吸煙率高港逾倍
張宇人暗批港大專家「謬論」
自由黨邵家輝就話，日本人都係非常長壽，但佢哋吸煙率比香港高一倍有多，港府堅持要禁嘅加熱煙，日本亦容許出售，認為有關講法站唔住腳。
自由黨主席張宇人都批評「專家謬論」，話唔同意港人食煙少就長命，又質疑好多機構都評估加熱煙禍害較傳統煙低，「我哋竟然都合埋眼，話加熱煙(禍害)比傳統煙高」。佢又自嘲自己讀唔到醫，「可能話我食唔到嘅葡萄係酸嘅，酸酸哋都唔怕，我講嘅嘢係負責任」，仲話「𠵱家見到啲醫生都好驚」。
更多港聞
【Emily】「聽婦女聲音」 何超瓊擺街站兩日
【明報專訊】選舉委員會第五界別「全國性團體香港成員代表」嘅110席喺冇競爭下自動當選，當選人噚日喺灣仔會展開記者會交代政綱。中華海外聯誼會理... 詳情
【明報專訊】政府噚日刊憲，委任前政務司長張建宗做「非官守太平紳士」。政府話太平紳士主要職能包括巡視懲教院所、羈留中心或其他院所，以確保無人被...
詳情
【明報專訊】港島區嘅區議員噚日朝早到北角社區會堂宣誓，由民政事務局長徐英偉負責監誓。呢個社區會堂運作咗大約兩年，裝修都算新淨，但噚日明明陽光...
詳情
相關新聞
