【Emily】白鴿如個人參選 不可擅用logo 羅健熙：如自稱黨員難處理
[2021.09.10] 發表
【明報專訊】民主黨9月26日召開會員大會，決定是否派員出選。近日就有唔少人關注，如大會拒絕派員參選，民主黨成員可否以個人名義出戰？主席羅健熙噚日話，如果要將民主黨嘅logo擺上選票，要獲民主黨簽同意書，所以參選人如未獲支持下，聲稱獲該黨支持出選，會係犯法行為、涉失實聲明；但如參選人只係自稱民主黨黨員，「理論上係冇辦法(處理)」，近日正睇緊黨內規程、章則，睇吓可以點處理，現時未有具體想法。
羅健熙噚日喺商台節目《在晴朗的一天出發》話，如果會員大會決定唔派員參選、但黨員堅持想出選，「一定會先勸佢自己退黨」；佢話以政治倫理而言，黨員一齊作出某啲決定，都應該要尊重。
被問到有冇中間人再就參選傳風聲時，羅健熙就話，喺全國僑聯副主席盧文端文章刊登之後，多咗人講「唔鍾意選就唔好選，但之後嘅生存係點樣？係咪可以喺香港作為壓力團體做落去？」
談盧文端文章 譚耀宗：多個人評述
全國人大常委譚耀宗噚日被問到點睇盧文端文章，佢就形容盧嘅文章「好有影響性、好受各方面關注」，但亦指「好多時都係個人評述」，雖然尊重對方文章，但一般而言唔會特別評論，又形容文章「深刻、有見地、辛辣」，叫大家各自睇睇、會心中有數。
更多港聞
【Emily】九龍城區會翻盤 建制重奪正副主席
【明報專訊】建制派再重奪區議會正、副主席，今次輪到九龍城區。九龍城區議會正副主席原本係民主派蕭亮聲同鄺葆賢，但因兩人辭職而出缺，區議員辭職潮... 詳情
【Emily】胡定旭：反修例時期 政協畀錢請警員飛髮
【明報專訊】選委會選舉將於本月19日舉行，近日唔少選委都開記者會分享理念。噚日多名人代、政協亦見傳媒，全國政協常委胡定旭就憶述，2019年反... 詳情
【Emily】賀佳績 東奧健兒郵品10?28發行
【明報專訊】港隊喺東京奧運創出1金2銀3銅佳績，市民都好振奮。香港郵政噚日宣布，將會發行以奧運為主題嘅郵票小型張及相關郵品，前者會嵌有一套5... 詳情
【Emily】男士抽中葉劉女裝鑽勞 稱會送朋友
【明報專訊】新民黨早前搞接種新冠疫苗大抽獎，有百萬元禮品，新民黨主席葉劉淑儀仲攞咗自己珍藏嘅勞力士18K金鑲鑽石女裝手表作頭獎，得獎者噚日公... 詳情
【明報專訊】賽馬會滘西洲公眾高爾夫球場早排宣布加價，工聯會轄下嘅香港康樂體育專業人員總會表示收到市民反映加價不合理，上星期做問卷調查，收集到...
詳情
相關新聞
