【Emily】3D打印礁盤 放海下灣復育珊瑚
[2021.08.30] 發表
【明報專訊】香港地質公園2009年成立，到2011年成為世界地質公園，今年踏入第十年。公園覆蓋新界東北同西貢地區、海域，市民可以見到火山岩六角形岩柱等奇岩異石，仲有多個海岸公園，包括成立25年嘅海下灣海岸公園，嗰度有64種石珊瑚，可以話係重要珊瑚區之一。漁護署近年同本地大學展開一系列研究，旨在保育現有珊瑚，並增加及復育本地珊瑚群落。
環境局長黃錦星噚日寫網誌，講保育本港珊瑚，話項目之一係以海下灣石珊瑚碎塊，放喺以3D打印技術製造嘅陶土「珊瑚礁盤」，希望能夠復育海岸生態。項目成員不時下水探望礁盤狀况，話自舊年7月喺海下灣海岸公園內數處放咗「珊瑚礁盤」，珊瑚碎塊生長良好，並吸引到大量珊瑚魚。
為加強推廣保護海岸，漁護署轄下嘅「海下遊客中心」6月開幕，中心位於海下灣隔籬，歡迎市民免費參觀。
更多港聞
【Emily】梁美芬搞壁畫 邀劏房童畫Dream House
【明報專訊】港澳辦主任夏寶龍早前關注香港劏房籠屋問題，經民聯立法會議員梁美芬早排同多個團體發起平台「凝聚民心」，搞咗一個大型壁畫活動，由幾十... 詳情相關新聞
