【Emily】羅致光：影響收入分配政策 好多局有份
[2021.08.16] 發表
【明報專訊】勞工及福利局長羅致光噚日以「貧富懸殊之影響收入分配政策」為題寫網誌，佢話一個政府若要影響收入分配，唔能夠只依靠巿場運作，產業、勞工同會影響勞工供求嘅社會政策都會有影響。佢列舉唔同政策局影響勞工供求嘅社會政策，包括移民、生育、平等機會、教育、退休、社會保障、公共房屋等政策，係由保安局、政制局、民政局、教育局、運房局和勞福局等負責。
羅致光提到，勞福局政策中對收入分配最直接有關嘅係法定最低工資，同現屆政府就外判服務中涉及非技術員工嘅政策調整。
佢提到政府外判服務係由財經事務及庫務局負責；外判服務常被批評係導致非技術員工收入偏低嘅原因之一，特首喺佢上任不久就責成佢，成立由勞工處作支援嘅跨部門工作小組檢討制度，包括評審標書時增加工資水平嘅比重、降低投標價喺評分中嘅比例，並引入約滿酬金制度。
羅致光話，去年底跟進檢討報告，顯示之後批出嘅合約中相關工資增約24%，相信對私人市場亦肯定有影響。
更多港聞
相關新聞
