【Emily】年初兩度裁員 新巴城巴請300車長
[2021.08.07] 發表
【明報專訊】新巴城巴母公司匯達交通噚日宣布招聘超過300個巴士車長，除咗全職外，亦包括兼職職位，新入職車長時薪達125元，話每個月入息可達2.5萬元。
時薪125 話月薪可達2.5萬
匯達話，申請者只要持有巴士駕駛執照或私家車駕駛執照滿1年，以及年滿21歲，都可申請做巴士車長。
匯達又話，如果未有巴士駕駛執照或者路面經驗較淺嘅人，只要願意學習，全力以赴，公司都會為佢哋提供全面訓練。
新巴城巴今年喺農曆新年前同元宵佳節後先後兩度裁員，主要嚟自後勤部門，包括文職、培訓部、營運部等，事隔半年多重新招聘，匯達就話完善嘅公共交通服務對本港經濟從疫情中恢復過來至為重要，所以公司要「抓緊每個機會改善營運、促進多元化發展」。
更多港聞
【明報專訊】每年8月第一個星期係國際母乳哺育周，為咗推廣母乳，聯合國兒童基金香港委員會（UNICEF HK）噚日舉行線上慶祝活動，各界代表同...
詳情
相關新聞
