【Emily】政商界籌款賑災 民建聯籌得500萬

[2021.08.03] 發表

【明報專訊】河南早前暴雨成災，逾百萬人受災。本港多個建制政團、商界為河南籌款賑災，連日來中聯辦都收咗唔少相關支票。民建聯上月發起籌款，截至7月31日共籌得500萬港元支援河南救災，噚日將善款支票交畀中聯辦副主任何靖，將轉交河南省相關部門。民建聯話衷心祝願河南同胞平安渡汛。

翻查資料，好多商界都踴躍捐錢賑災，例如香港航天科技集團就籌集到2800萬港元物資及捐款，新鴻基地產亦撥款2000萬元人民幣，捐贈河南支援災區前線嘅救援工作及災後重建，李嘉誠基金會就捐款2000萬港元救災。新世界集團、恆基兆業集團、電訊盈科主席李澤楷亦分別捐咗1000萬元人民幣。

政團方面，新民黨、經民聯、自由黨、工聯會都分別捐款128萬至30萬港元不等。

更多港聞

【明報專訊】有團體再推出抽獎活動鼓勵打針兼消費。「吃喝玩樂開心中西區獎賞」活動籌委會話，計劃8月起舉辦6次足金抽獎，首5次每次有8個幸運兒，... 詳情

【明報專訊】暑期實習係大學生吸收社會經驗嘅好機會，創新科技署發言人噚日話，今年暑假展開咗新一輪「創科實習計劃」，過去兩個月吸引咗超過1700... 詳情