【Emily】高官落區撐「全民運動日」 李家超體驗做劍神
[2021.08.02] 發表
【明報專訊】噚日係「全民運動日」，特首林鄭月娥、政務司長李家超等一眾問責官員分別出動同市民一齊做運動。男子花劍港隊代表張家朗喺東京奧運奪金，引起劍擊熱，李家超去到石硤尾公園體育館就試玩劍擊體驗(圖)。李家超喺facebook話即使工作繁忙，都會每日抽時間做運動，「持之以恆鍛鍊身體，保持心情愉快」，仲呼籲大家動起來，邊做運動邊支持港隊喺東奧再創佳績。
而發展局長黃偉綸同勞福局長羅致光就分別伙拍香港青年羽毛球運動員，落場對戰打咗場羽毛球「友誼賽」，切磋球技，仲挑戰唔同嘅運動項目，大玩遊戲。
環境局長黃錦星同運房局長陳帆亦行孖咇到將軍澳齊齊運動，傷健共融，兩人體驗單車、躲避盤、地壺運動等。黃錦星話呢個星期輪到「牛下女車神」李慧詩出場，籲大家集氣撐港隊單車手！
而財庫局副局長陳浩濂、商經局副局長陳百里都分別響應全民運動日，前者去咗踢足球，上載「的波」片段；後者就打網球，上載自己發球英姿。
更多港聞
【Emily】貼林鄭楊潤雄出席教協活動照 前總幹事：變的是誰
【明報專訊】內地官媒新華社及《人民日報》 日前分別以「必須剷除『教協』這顆毒瘤」為主題發表評論文章後，教育局以行動「回應」，宣布全面終止與教... 詳情
【Emily】初中生AI企鵝機械人 教分類廢物
【明報專訊】廢物回收知易行難，有初中生製作人工智能（AI）機械人教小朋友分類廢物。保良局何蔭棠中學6名女生眼見九龍東廢物問題嚴重，製作企鵝造... 詳情
【明報專訊】政府仍未公布區議員宣誓詳情，早前已有逾200個區議員自行辭職，各辭職者亦陸續清空、交還辦事處。早前已辭職嘅大埔區鎮樺，日前就喺f...
詳情
相關新聞
