【Emily】尹兆堅今上庭 子女送Tee表愛意
[2021.07.23] 發表
【明報專訊】民主黨尹兆堅因民主派初選案還押，另涉去年維園六四未經批准集結案，今日要上庭。阿尹一對仔女好惜爸爸，小姊弟早前用零用錢買咗一件T恤，託人帶畀獄中嘅爸爸，希望佢上庭時著上身。T恤並唔名貴，亦唔係阿尹以前嘅穿著風格，但勝在印有「Our Dad We love you forever(爸爸，我們永遠愛你)」嘅字樣(圖)，意義非凡。
小姊弟希望藉此表達對爸爸嘅愛意同支持，盼望衣服隨身愛隨心。
阿尹身在獄中，對於尹家亦帶來一大打擊，但小姊弟亦學會成長，例如16歲嘅大女已經學會安慰媽媽，擁抱迷惘嘅細佬，媽媽忙碌時仲幫手煮好飯菜。
兩姊弟唔能夠成日見到阿尹，所以花大量時間寫信，又喺信中畫畫，一有機會探訪，又或者喺法庭上見到爸爸時，就會大大力揮手，仲同爸爸「畀心心」。
更多港聞
【Emily】李志宏「挺身而出」當選沙田區會主席
【明報專訊】傳出不符宣誓資格嘅區議員會被追薪津後，近日大批民主派區議員辭職，包括多名區議會主席。民主黨「老鴿」程張迎早前辭去沙田區議會主席一... 詳情
【明報專訊】8月1號係全民運動日，市民可以預訂康文署嘅康樂設施免費使用，或喺指定場地參加免費康體活動等。當日開放畀市民免費使用嘅設施包括羽毛...
詳情
相關新聞
