【Emily】秦石街市變古廟風開幕 小食街開到午夜
[2021.07.20] 發表
【明報專訊】位於大圍嘅「秦石街市」，經過超過4個月翻新活化工程後，以中式古廟風貌重新開幕。街市鄰近車公廟，設計團隊參考傳統廟宇嘅建築元素，包括紅柱綠瓦、祥雲雕刻裝飾同紅花燈等，仲加入車公廟嘅特色風車，寓意風調雨順。街坊日後買餸嘅同時可以順便行個大運。
活化工程耗資幾千萬元，日後秦石街市除咗賣新鮮食材，亦會有營業至午夜12點嘅小食街，以及中式酒樓。疫情下，市民去街市買餸都特別注意衛生，秦石街市活化時重新規劃空間，擴闊通道空間並鋪上防滑地磚，所有商戶都安裝咗電子支付系統，市民可以使用非接觸式付款，遲啲亦可以用政府即將發放嘅電子消費券購物。另外，慈善機構「惜食堂」下月起會定期喺街市回收食材，將食材烹煮成食物包，免費派發畀有需要者。
更多港聞
【明報專訊】打疫苗又有機會得獎。經民聯噚日話，為響應政府鼓勵接種疫苗，推出「經民聯賞好戲疫苗獎勵計劃」，會送出1.5萬張MCL院線嘅2D電影...
詳情
【Emily】前政助黎穎瑜主持港台節目 山寨式星洲錄音
【明報專訊】民政事務局長前政治助理黎穎瑜（Jade，圖）舉家移民新加坡，佢全職照顧兒子，亦有接唔同嘅project，例如擔任香港電台《夢想號... 詳情相關新聞
