【Emily】郵政署長朱曼鈴升財庫局常秘
[2021.07.15] 發表
【明報專訊】政府噚日公布新一輪政府高層官員調動，勞工及福利局常任秘書長張琼瑤將展開退休前休假，其職位由財經事務及庫務局常任秘書長(庫務)劉焱接任；而財庫局常秘一職，會由現任郵政署長嘅朱曼鈴於7月29日開始升任。不過政府就未有交代郵政署長一職由邊個接手。
財庫局常秘劉焱調任勞福局
升職嘅朱曼鈴1988年加入政府，2017年4月升為首長級甲級政務官，做過財庫局副秘書長，現時重返該局做常秘，算係熟手技工。佢曾任民政事務局、特區政府駐北京辦事處等職位，2019年政府推動修改《逃犯條例》，解說工作不足被外界批評，朱曼鈴當時出任政府新聞處長，及後被調離新聞處，擔任該職位1年半，2019年9月出任郵政署長至今。
公務員事務局長聶德權話，劉焱同朱曼鈴都係資深政務主任，具備出色領導同管理才能，有信心佢哋喺新崗位為市民提供專業高效嘅服務；又祝願張琼瑤退休生活充實愉快。
更多港聞
【明報專訊】立法會昨通過《2021年香港公開大學（修訂）條例草案》，香港公開大學中、英文名稱9月1日正式改為「香港都會大學」（都大）及「Ho...
詳情
【明報專訊】曾任教香港真光中學的女鋼琴教師，2010年至2018年間替8名學生安排假的鋼琴考試，事後發出假冒的證書，騙取數千至1萬港元不等的...
詳情
相關新聞
