【Emily】大狀生涯暫停 鄒幸彤：終睇到探訪室後生活
[2021.07.13] 發表
【明報專訊】支聯會副主席、大律師鄒幸彤喺七一前夕再被捕，被控煽惑他人明知而參與未經批准集結罪還押。佢近日發獄中信，字裏行間仍顯幽默，話人在牢裏，似乎唯一可做就係轉型做專欄作家，未來幾年縱使無法喺物理上和大家同行，但仲可以用文字「搞事」。佢話以前做大狀只能睇到犯人欄外嘅世界，去大欖都係止步於探訪室，𠵱家終於睇到後面嘅生活，親身實踐、搞懂呢個制度，係難得嘅經驗。
鄒幸彤話，睇嚟佢大律師生涯要暫告一段落，好對唔住佢嘅當事人，突然要拋下佢哋嘅案件。佢提及日前出庭，見到坐得滿滿嘅法庭真係幾感動，不過有點小傷心，「送車師」叫咗一大串名，都冇佢個名。佢形容有啲唏噓，因之前嘅政治案，大部分都係一班人一齊面對，但今日只剩佢一個人喺被告席上，形象地反映反抗運動嘅凋零。
肉乾原子筆停貨 阿臻盼懲教回應
另外，「石牆花」創辦人邵家臻喺facebook話，懲教署指定可買畀在囚者嘅豬、牛肉乾，「優之良品」回覆話最快8月才會重新供應；而指定用嘅BIC原子筆亦停產。阿臻話希望懲教署從善如流，及早按巿面情况迅速回應，以免家屬頻撲、在囚者缺貨。
更多港聞
【Emily】港播《覺醒年代》 CY：令社會認識民族復興
【明報專訊】今年係中國共產黨成立100周年，香港再出發大聯盟同有線電視噚日舉辦內地電視劇《覺醒年代》首映會，出席者包括全國政協副主席梁振英、... 詳情
《國安讀本》派入幼園 教局通函：助幼兒認識中國人身分
【明報專訊】教育局4月向中小學贈送內地法律學者王振民等編寫的《香港特別行政區維護國家安全法讀本》，本月起向設本地課程的幼稚園分派該讀本，每校... 詳情
相關新聞
