【Emily】做唔成副局長 葉傲冬：將到商界發展
[2021.07.08] 發表
【明報專訊】政制及內地事務局副局長懸空，Emily 5月時報道過，民建聯副秘書長葉傲冬(圖)好大機會加入政府擔任該職位，當時已進入最後階段，不過最新Emily聽聞，葉傲冬最終「大熱倒灶」，未能加入林鄭月娥班子。現時擔任《文匯報》助理總編輯嘅阿冬噚晚回覆Emily時證實唔會加入政府，佢話「多謝大家關心，我短時間內會離開《文匯報》，將會到商界發展」。
被林太稱為「世侄」嘅阿冬過去亦有意參選立法會，今次入唔到政府，之後會否參選？阿冬就話選舉並非個人可以決定，要同民建聯協商，有關問題未來再思考。
被問北京有無介入 曾國衞「唔評論」
阿冬入唔成政府嘅消息噚日傳出後，政制及內地事務局長曾國衞被問及有關問題，佢回應話正在物色人選，唔評論個別嘅人選。至於北京有無介入、推翻佢嘅心水人選？曾國衞只係話「唔評論呢啲揣測」。
今屆政府任期尚餘不足1年，呢個副局長職位由今年3月起一直懸空。面對未來有3場選舉要搞，政圈亦盛傳該局政治助理吳璟儁將過檔西九文化局，唔知政府仲會唔會再搵人填補呢個空缺呢？
更多港聞
【Emily】梁美芬玩羅莽「驗證圖」 搵番自己
【明報專訊】登記5000蚊電子消費券嘅市民，先要過「驗證圖」一關，要搵出有交通燈、巴士、十字路口、單車等圖，以證明唔係機械人，唔少人試好多次... 詳情
【明報專訊】律師會將於8月24日舉行周年大會，包括改選5個理事席位。以往律師會多數喺5月改選，不過今年因為疫情關係，所以8月先搞，據Emil...
詳情
【Emily】「七七事變」84周年 保釣行動日領館外抗議
【明報專訊】噚日係「七七事變」84周年，侵華日軍於1937年7月7日喺宛平城外盧溝橋發起軍事衝突，係中國8年抗日戰爭全面爆發嘅起點。保釣行動... 詳情
小學生演話劇學英語 教室改造「黑盒劇場」 全級師生參與
【明報專訊】「Dinner Time! Dinner Time!（晚餐時間！）」20多尾「大魚」以英語載歌載舞，佯裝要吃掉一尾瑟縮一角的「小... 詳情相關新聞
