【Emily】等車暴曬 區議員聯署促大隧車站加蓋
[2021.07.01] 發表
【明報專訊】沙田、大埔及北區51名區議員日前聯署，去信運輸署長羅淑佩，3區因咩事一齊聯署？原來佢哋要求喺大老山隧道嘅城巴轉車站興建上蓋。信中提到，大老山隧道建成多年，係市民搭巴士往返新界同港九必經之路，使用量極高，雖然九巴巴士站設上蓋，但城巴站位置空曠，乘客每日上落車、轉車都飽受日曬雨淋之苦。
沙田大埔北區共51區議員
區議員喺信中話，屢次接到市民反映意見、求助，所以聯署要求運輸署跟進、責成城巴公司盡社會責任加設上蓋，以便利乘客同改善候車環境。
大埔區議會副主席劉勇威仲向Emily分享其「真人真事」經歷，佢記得6月上旬喺該處等車時，遇見一名婆婆烈日當空下喺站頭等車，因擔心一旦行開咗遮蔭而錯過巴士，分分鐘有中暑暈低風險！劉勇威話，當時佢同婆婆講明會幫對方截停巴士，婆婆先肯行去有上蓋嘅地方遮蔭。
今次有51名區議員聯署，民主黨、公民黨以至多名獨立區議員都有參加，當中沙田有32人、大埔有9人、北區有10人。
更多港聞
考評局精簡12科要求 保留英文口試 DSE明年續停中文口試
【明報專訊】受疫情影響面授的中五生，明年應考中學文憑試（DSE），考評局昨公布精簡明年12科DSE要求，包括連續3年取消中文口試，稱大部分學... 詳情
相關新聞
