【Emily】第五代山頂纜車告別 市民歡送
[2021.06.28] 發表
【明報專訊】酒紅色嘅第五代山頂纜車噚日告別市民，山頂纜車公司話，預料第六代新纜車要年底先投入服務，呢段期間市民上山頂暫要改搭巴士、小巴等公共交通公具。纜車公司話換新車涉及7億元投資，預告新車投入服務時會有加價壓力。
纜車公司稱涉7億投資 或加票價
噚日山頂纜車車站人山人海，唔少人趕搭最後一程嘅第五代纜車，有人排隊超過一小時都話值得，又有唔少人駐足車廂前打卡合照。第五代纜車喺1989年9月20日投入服務，行咗32年，酒紅色車身係特色之一，仲係首部備有兩卡車廂纜車，32年間曾服務1.38億個乘客。纜車公司話其中一部第五代纜車退役後會放喺近堅尼地道路軌旁展示。
香港上海大酒店物業部集團總監孫漫天、山頂纜車總經理曾瑛美噚日都喺車站歡迎訪客。纜車公司引入嘅第六代纜車，載客量將增加七成半至210人，車站等候區亦會擴建，並提升各項設施，最快12月投入服務，票價屆時再公布。
更多港聞
【Emily】鄧炳強升官換眼鏡 警界朋友：斯文咗
【明報專訊】政府領導班子上周五宣布人事變動，鄧炳強上任保安局長翌日被問到今次升官嘅全部都係警察時，話唔應該區分文官、武官。話雖如此，鄧升任政... 詳情
【Emily】200人《蘋果》排隊「領養」盆栽
【明報專訊】創刊26年嘅《蘋果日報》停刊，壹傳媒大樓內嘅大量盆栽頓時失去照顧，估計為數約60盆。有《蘋果》員工喺facebook發文話植物都... 詳情
相關新聞
