【Emily】屋苑無諮詢拆乒乓波石枱 惹街坊投訴

（蔣旻正fb圖片）

【明報專訊】民生無小事，拆毁乒乓波枱都可以變成區議員關注嘅焦點。北區區議員蔣旻正噚日喺facebook發文，話上水翠麗花園嘅管理處懷疑喺冇諮詢下，拆毁一張乒乓波石枱，打算於該處興建單車架，但投訴聲音衆多，最後改口話係打算更換木製可移動嘅乒乓波枱。蔣旻正發現問題後，形容石枱歷史悠久、載有集體回憶，「不少街坊的意見，乒乓球石檯需要真正還原，而非以平價木檯了事」。

話要換木枱 區議員質疑虛假陳述

根據蔣旻正fb，該乒乓波石枱月初已被拆毁，唔少街坊見到石枱被拆先知悉事件，批評管理處先斬後奏。佢噚日話，當時接獲街坊投訴後，將事件向地政總署反映，當局派人視察後，向管理處話拆毁乒乓波枱涉嫌違反地契，但管理處人員聲稱要更換木枱。蔣旻正繼續追查，話根據管理處通告顯示，拆毁石枱嘅目的係興建單車架，提醒向公職人員作出誤導或虛假陳述係有可能犯法，話地政總署已經承諾會全面調查。

蔣旻正認為，改口風涉嫌想淡化事件、將責任推卸得一乾二淨。佢話如果事件屬實，管理處人員要問責，認為事件暴露大廈管理嘅種種弊病，提醒公衆要留意屋苑事務。

更多港聞

【Emily】投訴港台稱蔡英文「總統」 通訊辦裁欠理據

【明報專訊】香港電台嘅節目受到唔少人關注，間中亦會引起一啲投訴，通訊事務管理局辦公室最近就處理咗一宗針對港台嘅投訴。立法會文件顯示，立法會資... 詳情

【Emily】建制百活動慶回歸 頭炮戲曲中心上演

【明報專訊】下星期四（7月1日）係回歸24周年，適逢中國共產黨建黨100周年，建制陣營都準備舉辦慶祝活動。香港島各界聯合會、香港島婦女聯會噚... 詳情

【Emily】「青年感絕望」 民研：「港人」身分認同跌

【明報專訊】香港民意研究所噚日發表「香港市民身分認同」調查結果，顯示「香港人」身分喺認同感、重要性或認同指數排名都係第一位，其次為「亞洲人」... 詳情

【Emily】漁署：將610野豬搬離民居

【明報專訊】近年本港多處都有野豬出沒，早前更有野豬走入港鐵車廂。漁護署噚日向立法會提交文件講解實施野豬管理計劃嘅進展，署方喺2017年底起，... 詳情

浸大雷雄德將退休 嘆學子近年重分數 任教28載 冀教師多與學生溝通

【明報專訊】浸會大學體育、運動及健康學系副教授雷雄德多年來不時評論體育發展及政策，並解答公眾對運動的疑問，為人熟悉。他將於今年退休，離開任教... 詳情