【Emily】李家超論移民者：無謂後悔莫及 話新盤沽清證多人想留港
[2021.06.22] 發表
【明報專訊】自《港區國安法》去年6月底生效後，香港再度出現移民潮，保安局長李家超接受now新聞台訪問時話，因為港人出境毋須交代理由，所以冇移民數字。佢特別提到好多國家嘅方案，都只係延長本來嘅臨時逗留期限，之後都要再申請入籍，到時一旦不獲批，「錢可能用晒，以前花嘅時間、本來喺香港嘅發展、本來喺香港可能有咩機會，都冇㗎啦，無謂後悔莫及嘞」。佢又話近期見到新樓盤開售都好快賣晒，證明好多人希望在港安居樂業。
「對港冇好處嘅人，唔會珍惜」
李家超又舉出外國大量問題，包括經濟差、失業率高、工資低及種族歧視等，「喺香港係中產，到外國變基層，都係要小心」。被問到移民嘅人都應該諗咗呢啲理由、但喺國安法下仍然選擇離開，李家超就話，如果真係做咗危害國家安全嘅事，「我係唔歡迎佢，係要處置佢、依法處理佢。呢啲對香港冇帶來好處嘅人，一啲都唔會珍惜佢喺度」。
更多港聞
【明報專訊】選舉近了，立法會政制事務委員會噚日討論9月舉行嘅選委會選舉。工聯會陸頌雄關注參選人申報政治聯繫，話香港冇政黨法，政黨定義比較模糊...
詳情
【明報專訊】東涌街坊下年可望去臨時街市買餸，嗰度會有約36個售賣魚肉、蔬果等新鮮糧食嘅攤檔，街市有冷氣，場地用天幕覆蓋。食物及衛生局噚日宣布...
詳情
航天科學家講座中學直播 中聯辦統籌 教局促校長安排師生觀看
【明報專訊】神舟十二號載人飛船上周升空，3人入住太空站。教育局周五（25日）舉行1小時45分鐘網上直播講座，由內地航天科學家向中學生分享航天... 詳情
相關新聞
