【Emily】鄧家彪直播 講中共百年5人物
[2021.05.21] 發表
【明報專訊】今年係中共建黨100周年，本港建制派亦就此舉辦活動，等支持者更了解中共嘅百年發展，其中工聯會鄧家彪噚晚就化身中史老師咁，向工聯會80個會員講吓百年中國5個階段嘅5個代表人物，並喺網上做直播。阿彪同Emily講，今次演講超過一個鐘，事前花咗好多時間準備，整咗十幾頁簡報去「講書」。
阿彪話，今次係就住中國100年嘅5個階段，搵咗5個代表各時代精神嘅人物去講，希望表達百年中國嘅不平凡同不平坦、各代人嘅付出，先累積成今日嘅中國和平崛起。佢講述建黨革命就介紹五四運動中遊行帶頭人陳潭秋；抗日救亡介紹東江縱隊司令員曾生；建國時期就有研究原子彈嘅鄧稼先；改革開放就介紹第一個「海歸」經濟學家林毅夫，講中國強盛則介紹華為嘅任正非。
另外，阿彪話下個月青年團體「龍騰志青」會舉辦中國近代歷史問答比賽，設公開組同學生組，希望透過活動等大家更了解中國近代史。
更多港聞
【明報專訊】近期唔少政界中人討論男子組合MIRROR同ERROR，有讚有彈，油尖旺區議員林兆彬（Ben）噚日撰文就話，ERROR雖然「騎呢」...
詳情
【明報專訊】今年9月起公民與社會發展科逐步取代高中通識科，近日大學聯招（JUPAS）公布，浸大下學年起停辦「地理／歷史／社會學及通識教學（雙...
詳情
【明報專訊】直資「一條龍」優才（楊殷有娣）書院小學部疑爆出帳目問題，近日校方發信稱發現部分單據異常，小學部校長聶敏違專業操守，已接納其「引咎...
詳情
相關新聞
