【Emily】區議員葉子祈巴士除罩 警申票控 與乘客爭拗片熱傳 昨道歉稱唔成熟
[2021.05.12] 發表
【明報專訊】西貢區議員葉子祈早前喺巴士上冇戴口罩，畀人拍片擺咗上網，事件愈演愈烈，警方出手介入。警方噚日喺facebook話，事件發生喺上個星期五，葉子祈喺巴士上因為戴口罩嘅問題同人拗撬，佢唔戴口罩涉嫌違反「口罩令」；警方噚日向法庭申請票控葉子祈。葉回覆Emily話對事件冇回應，告票「嚟到先算」。
警稱調查是否涉其他罪行
警方話，事發時有市民勸喻葉子祈戴番個口罩，仲有人提供埋口罩，但葉都拒絕戴上。警方話高度重視有公職人員公然藐視法律、罔顧公德，對葉子祈嘅行為表示震驚，亦嚴厲譴責佢以歪理掩飾自私劣行，會繼續調查事件係咪涉及其他罪行，唔排除採取進一步法律行動。
葉子祈早前回覆傳媒查詢，話當時覺得「焗」，所以除低口罩一陣。佢周日更喺facebook話，「口罩戴與不戴實在只是無聊小事，實在沒有想過媒體會廣泛報導」，但直到噚日，葉子祈就喺西貢區議會一個委員會會議上就事件道歉，「經過反省之後，我覺得用唔戴口罩呢個方式嚟表達對防疫政策嘅不滿，係好唔成熟嘅表現」。
更多港聞
【Emily】建制轟泛民區會飲酒 主席：體諒送別同事
【明報專訊】由建制派組成嘅「深水埗監察」喺facebook話，深水埗區議會噚日開大會，區議員將要宣誓、「辭職自保潮出現」，但「攬炒派」睇落心... 詳情
【明報專訊】香港民意研究所噚日發表新一輪政府官員民望，調查顯示，13個局長中，環境局長黃錦星嘅民望淨值（支持率減反對率）排第一，但都只係得正...
詳情
【Emily】民主黨建議增至1萬 消費券倡長者可攞現金
【明報專訊】《財政預算案》宣布向全港18歲或以上嘅人派發5000元電子消費券，具體細節有待公布。民主黨噚日召開記者會，話經濟不景下，認為政府... 詳情
【Emily】屯馬線吸引「宋帝」去土瓜灣九龍城
【明報專訊】港鐵屯馬線全線預料會於今年第三季通車，正式為舊區土瓜灣一帶引入集體運輸系統，呢條穿越宋皇臺同土瓜灣地底嘅「巨龍」，近日吸引咗「宋... 詳情
公社科教材列「中國一直擁港主權」 齡記出版社派校 指「英管治屬違國際法佔領」
【明報專訊】公民與社會發展科（公社科）下學年逐步取代通識教育科，該科「課程及評估指引」仍待公布。齡記出版有限公司近日向學校提供適用於公社科的... 詳情相關新聞
