【Emily】施德來返議辦 街坊送飲品祛濕 還押無法履職 范國威辭任區議員
[2021.03.18] 發表
【明報專訊】47人因去年組織、參加民主派立法會初選被控串謀顛覆國家政權罪，有11人獲准保釋，暫時重獲自由，當中唔少人係區議員，保釋後隨即投入地區工作，Emily噚日經過獲准保釋嘅黃大仙區議員施德來嘅辦事處，有街坊送上飲品畀阿來，話可以祛濕，又話阿來瘦咗。阿來就話有街坊等佢返辦事處，佢對此好感動；佢前日去開區議會會議時，一眾區議員仲喺座位前貼上「來哥加油」語句𠻹。
施辭民協主席 譚凱邦退出新同盟
民協前晚發聲明，提到獲准保釋嘅施德來、何啟明分別請辭主席及副主席，暫時由楊彧擔任署理主席、利瀚庭做署理副主席，待民協執委會改選為止。施德來解釋，因為唔知幾時審訊，希望喺借來嘅時間，趁空檔陪家人多啲。
另一邊廂，新民主同盟范國威現正還押，其facebook出帖話佢還押期間無法履行議會職務，因此前日已辭任西貢區議員，佢話感謝各位多年來對佢嘅支持同鼓勵，亦感激各人亂世中同佢同行。新同盟回應話，執委會事前同范國威一直保持溝通，理解及尊重其個人決定，會繼續協助處理其議辦善後事宜。
另一正在還押嘅荃灣區議員譚凱邦，日前亦致函新同盟執委會話希望退黨。新同盟話，十分諒解當前政治檢控對譚凱邦及其家人帶來嘅困難同壓力，非常尊重其決定，一致同意佢即時退出新同盟。
更多港聞
【明報專訊】政府2017年推出「青年委員自薦試行計劃」，畀18至35歲青年自薦加入政府諮詢委員會，計劃已經常規化，民政事務局噚日回覆立法會書...
詳情
【Emily】質問有無評估過健身者會否戴罩 田二少拍枱 轟政府未吸跳舞群組教訓
【明報專訊】新冠病毒疫情持續，早前出現嘅健身群組累計逾百人確診。特首林鄭月娥噚日出席立法會質詢環節，實政圓桌議員田北辰（圖）質問，政府開放健... 詳情
【Emily】民記「治政課程」 請強世功王振民授課 曾鈺成講「從政的明天在哪裡」
【明報專訊】民建聯早前宣布將會推出「治政理念研習課程」，近日課程有更多詳情，除咗早前曝光、話會邀請前特首梁振英授課講「愛國者治港」之外，仲請... 詳情
【明報專訊】現時市民愈來愈關注資訊保安，之前曾出現「社交移民」，由WhatsApp轉用Signal。警隊亦為咗提升保安，喺3月9日推出一個全...
詳情
相關新聞
