【Emily】區會社區參與計劃數目跌七成 民署歸因不批撥款及疫情
[2021.02.26] 發表
【明報專訊】《財政預算案》前日公布，除咗「派糖」措施，唔少人都關注各部門預算。其中民政事務總署預算可見，區議會嘅社區參與計劃項目數量，由2019年嘅約3.4萬項，大跌71.7%至2020年嘅9769項，但預計2021年會回升至約3.2萬項。至於參加人次就由1870萬跌至850萬，跌幅約54.5%；當局解釋主因係獲區議會批准撥款嘅社區參與計劃數目大幅減少、有活動因疫情取消。
葉錦龍：活動平均受眾增
中西區區議員葉錦龍就話，數字反映即使有疫情、民政署唔批准活動及研究，區議會平均每次活動嘅受眾人數係上升嘅。
區議會作為諮詢組織，由民主派主導嘅區議會開展任期後，官員常以有關議題涉及全港議題為由拉隊離場，政府就全港問題諮詢區議會次數，由2019年嘅402次，跌至2020年嘅337次，預算2021年進一步下跌至300次；不過，就地區事務諮詢區議會，就由2019年嘅2801次增至2020年嘅4070次。
此外，警務處長鄧炳強曾話，好多分區滅罪委員會反映，向區議會申請撥款推廣宣傳好困難，批評政治原因影響到防罪；當時有區議會主席話滅罪會根本冇申請撥款。睇番民政總署預算，分區滅罪會地區活動由2019年嘅302次，跌至2020年嘅135次；參加人數由40萬跌至20萬，當局解釋係受疫情影響，無話因區議會拒絕撥款。
更多港聞
【Emily】稱財案未惠漁農界 何俊賢暗批財爺「暴君」
【明報專訊】立法會噚日開《財政預算案》簡報會，民建聯漁農界議員何俊賢向財政司長陳茂波開火，批評成份預算案都無惠及漁農界嘅措施，認為司長無睇業... 詳情
【明報專訊】民建聯上月提出「變革香港」，民建聯會務顧問、全國人大常委譚耀宗噚日話，該黨會研究點改善「問責制」。佢點評政府雖然努力，但做好多嘢...
詳情
【Emily】陳智思：青年唔信兩制源於不了解內地
【明報專訊】唔少年輕人都不滿政府，又對中央、一國兩制抱懷疑同不信任態度，行政會議召集人陳智思就認為，唔可以怪責年輕人對中央同一國兩制不信任，... 詳情
【Emily】教大初創賽 5隊各獲15萬創業金
【明報專訊】大學鼓勵學生實踐初創夢想，教育大學噚日舉行「教育與社會企業家基金（EASE Fund）線上總決賽」，5支由教大學生或校友組成嘅獲... 詳情相關新聞
