【Emily】茶記太多人「懲罰」 譚老闆要落手洗碗
[2020.12.12] 發表
【明報專訊】公民黨副主席譚文豪(Jeremy)辭任立法會議員後，開設茶餐廳「一日三餐」，Jeremy仲親力親為，送貨、收銀到洗碗都落手做。「一日三餐」facebook噚日仲上載Jeremy洗碗嘅相，相中平時官仔骨骨嘅飛機師Jeremy，著起圍裙拖鞋手套洗碗，睇嚟相當落力。唔少網民留言，提佢洗碗其實係要著水鞋，公民黨前議員余若薇就分享帖文，慨嘆「老闆唔易做」。
話說「一日三餐」fb噚日出post，話堂食客人一度要用外賣碗進食，原因係畀太多人「懲罰」，員工洗碗速度落後，所以要用外賣餐具頂住先。Jeremy都為此表示歉意，為咗告誡自己仲一齊洗碗。帖文引述Jeremy話，餐廳特意物色環保外賣器皿係希望為環保出力，認為今次事件責無旁貸，又承諾如果再洗唔切碗會落閘閂舖，務求有穩定碗碟供應先繼續服務。
其實今次都唔係Jeremy第一次蝦碌，早前有食客買咖啡，佢拎錯咗陳列品畀個客，最終親自揸電單車將貨品送到客人府上。
更多港聞
【Emily】基本法當年「好短」 葉劉：𠵱家肥好多
【明報專訊】《基本法》頒布30年，新民黨主席葉劉淑儀形容《基本法》「肥咗好多」，話說葉太噚日出席匯賢智庫主辦嘅「《基本法》溫故知新」論壇，特... 詳情
【明報專訊】數碼港噚日舉辦年度盛事「數碼娛樂領袖論壇」開幕，以虛擬互動形式舉行，圍繞「數碼娛樂新常態：從遊戲邁向電競」主題，探討疫下新常態嘅...
詳情
【明報專訊】疫情下唔少人失業，政府噚日展開二級私人秘書公開招聘，目標請180人。睇番呢個職位資料，要求中學DSE畢業，5科考獲第2級或同等學...
詳情
相關新聞
