【Emily】問政府「rule of law人哋點睇我哋？」 石禮謙：灣區係配合港發展 非救星

石禮謙話香港唔係一個普通嘅內地城市，「大灣區唔係本港救星，只係配合香港發展」。（立法會片段截圖）

【明報專訊】特首林鄭月娥喺《施政報告》力推大灣區發展，不過經民聯石禮謙(圖)噚日喺立法會財經事務委員會會議發言，關注香港點樣保持國際地位，同時協助國家發展，質疑「香港喺世界嘅地位，喺咪仲係以前嘅香港？仲係咪一個國際城市？rule of law(法治)方面人哋點睇我哋？」石禮謙仲話，如果財經事務及庫務局長許正宇答唔到唔緊要，「局長講咩我哋都滿意，我哋係建制派嚟㗎嘛」。

稱香港成功在幫國家吸世界投資

石禮謙認為，香港係國際城市，唔係一個普通嘅內地城市，更指「大灣區唔係本港救星，只係配合香港發展」，唔認為將所有香港青年送上大灣區就可以解決問題。佢話以前港商到內地發展「出糧畀人」，同𠵱家青年「收人工」係兩回事，關注港青嘅競爭力能唔能夠拍得住內地大學生，又強調香港嘅成功唔在於內地投資幾多錢嚟香港，「香港嘅成功，係點樣幫國家面對世界，吸收世界嘅投資」。許正宇回應話，香港係「優質藍籌股」，了解內地亦同國際接軌，「同內地聯通會令我哋更國際化」。

另一邊廂，教育局長楊潤雄噚日喺facebook發文，宣傳「內地高等教育展」，話近年有愈來愈多DSE學生選擇到內地升學，叫大家把握機會。中大亞太研究所就發表最近嘅民調，訪問703個18歲或以上市民，15.8%話如果有機會會去深圳居住，70.8%回答唔會。14.8%人表示如果有機會會去深圳工作，71.0%回答唔去。

更多港聞

【Emily】鄧家彪chok住宣傳塑膠回收換coupon

【明報專訊】唔少政界中人都好關心環保議題，但要吸引街坊一齊做，的確要諗吓辦法。工聯會鄧家彪噚日偕黨友、觀塘區議員簡銘東喺藍田舉辦「塑膠回收日... 詳情

【Emily】請出獄「手足」鋸扒 邵家臻專心搞囚權

【明報專訊】邵家臻辭職唔做立法會社福界議員後，現時專心爭取囚權，噚日佢就同曾因2016年旺角大衝突入獄嘅旺仔食飯。阿臻去年因佔中案坐監，剛到... 詳情

【Emily】康文署推社交平台吉祥物

【明報專訊】唔少政府部門都會設計吉祥物做代言人，以輕鬆手法推廣信息，康文署就推出咗「康文＋＋＋」facebook同Instagram專頁，由... 詳情

百校撤初中通識 剩30間 續開學校：教思考方法 無關高中課程

【明報專訊】高中通識教育面臨多重修訂，至於初中通識，教育局去年表明學校不應開設。教育局回覆，學界對此反應正面，本學年約30間中學在名稱上開設... 詳情

轟林鄭獨斷改革通識 陳岡：尊重的反面教材

【明報專訊】人稱「通識之父」的陳岡於本報撰文（觀點版），批評特首主導通識改革做法，破壞課程改革一直以來經機制諮詢的優良傳統，更是通識科「法治... 詳情