【Emily】田二少話唔會害林太 林太：你已經害咗我
[2020.11.27] 發表
【明報專訊】特首林鄭月娥前日發表《施政報告》，噚日再到立法會出席答問會，一開場就話政府以往有落實議員喺答問會或質詢時間提出嘅建議，點名提及經民聯吳永嘉、張華峰，民建聯葛珮帆、陳克勤等。實政圓桌田北辰發言時就話，希望林鄭下次都提吓佢嗰名，話唔會害林鄭，話佢嘅建議「你應該都好想做，亦都對香港好好」。林鄭回應時話，下次會提田北辰個名，「不過講一句笑話啦，田北辰議員你已經害咗我，你噚日好似話呢份施政報告係爭取連任嘅施政報告，你已經害咗我，我冇呢個意圖」，連講兩次「害咗我」。
前日田北辰見記者時形容，呢份施政報告係林鄭爭取連任嘅政綱，內容大篇幅感謝國家，又講好多融入大灣區嘅政策等。田北辰噚日喺答問會上，問有關經機場回港者嘅檢疫問題，點知就好長氣，講差唔多3分鐘都未提出問題，立法會主席梁君彥提佢要快啲提問，之後仲話「呢個唔係你發表施政報告嘅場合」，引嚟哄堂大笑。
話施政報告無「爭取連任」意圖
林鄭回應田北辰時就話，政府有同事會檢視每個檢疫環節，又話會一併睇埋田北辰嘅建議，田北辰就叫林鄭邀請埋佢出席有關討論，林鄭笑住話「我30日內話你聽做成點」。
更多港聞
【Emily】讚林鄭有計有謀又打得 林健鋒：叻過超人
【明報專訊】民主派總辭後，議會內再聽唔到佢哋嘅反對聲音，噚日特首林鄭月娥到立法會出席《施政報告》答問大會，就有唔少建制派議員提問時乘機大讚施... 詳情
【Emily】牙籤扮棋 區佬cosplay《后翼棄兵》主角
【明報專訊】Netflix劇集《后翼棄兵》（Queen's Gambit）近期大熱，觀塘區議員張敏峯喺facebook玩cosplay，著深... 詳情
【Emily】憂迫爆南區 袁嘉蔚：街坊畀「躍動」激到躍動
【明報專訊】特首林鄭月娥喺《施政報告》提出「躍動港島南」，唔少南區地區人士都有關注，南區區議會主席羅健熙日前已經話擔心「迫爆地區」，批評政府... 詳情
【明報專訊】本港新冠病毒疫情反覆，建制派多番建議做全民強制檢測，等香港個案有望「清零」。特首林鄭月娥前日就講明，全民強制檢測「是流於一個口號...
詳情
相關新聞
