【Emily】葉劉EQ齊齊病 安全起見做檢測
[2020.11.06] 發表
【明報專訊】立法會近日接連有議員身體唔舒服，新民黨主席葉劉淑儀、民建聯葛珮帆(EQ)分別喺facebook透露，因身體不適要留喺屋企休息，為安全起見，佢哋都有做新冠病毒檢測。葉太前日話自己不斷流鼻水、喉嚨隱隱作痛，擔心成為無症狀新冠病毒感染者，「假若我如常上班會否感染他人，導致爆發『新民黨群組』甚至『立法會群組』？」葉太嘅檢測結果對病毒呈陰性，醫生話只係染上一般流感。
葉太無中招 EQ等結果
到咗噚日，EQ都話自己唔舒服，「鼻塞頭痛見暈、周身非常痛、呼吸都胸口痛」，雖然已經退咗燒，但為穩陣都做咗一次測試，𠵱家留喺屋企等待檢測結果。網民紛紛留言關心，經民聯梁美芬都叫EQ保重身體。Emily都希望葉太同EQ早日康復啦。
更多港聞
【明報專訊】唔少善信都會「放生」冀積陰德，但隨時好事變壞事。民主黨林卓廷早前接獲石湖新村村民投訴，話唔少村外人自攜海鮮、河鮮等去梧桐河放生，...
詳情
【明報專訊】《港區國安法》實施後，當局多次稱學校須加強國安的宣傳及教育。教育局課程發展處本月中將為教師舉辦名為「國家安全與我們日常生活」研討...
詳情
相關新聞
