【Emily】民主黨去英領館 提降BNO移民費 話言行無違國安法
[2020.10.28] 發表
【明報專訊】英國政府日前公布畀300萬合資格申請英國國民(海外)護照(BNO)嘅港人移居英國嘅安排。民主黨國際事務委員會成員噚日去英國駐港總領事館，同領事人員討論事件，向英方提出降低移民當地嘅財政要求門檻。
國際事務委員會主席劉慧卿、成員袁海文及梁翊婷等5人，噚日同英領館領事(政治及傳訊部主管)Jonathan Daniel Williams傾咗約一個鐘，主要談及BNO移民安排。按英方早前公布，移民計劃明年1月31日起接受申請，5年期簽證申請費用為每人250英鎊(約2358港元)，兩年半期限簽證申請費用為每人180英鎊(約1827港元)，申請人財政上要備有最少6個月在英國生活嘅費用。
袁海文：唔會自我審查
袁海文話，希望英方可降低簽證費用，又期望英方盡量降低備用生活費要求，因為年輕申請人財政能力有限。袁又話，據佢哋所知，如果家庭中嘅夫婦同為BNO持有人，可以其中一方先帶仔女去英國，佢話安排可方便夫婦其中一方留港打工，先安排家人移民。佢相信英國政府明年初會再公布更具體嘅說明條款。
《港區國安法》下，政界人士去見外國領事都易成為話題，但袁海文話佢哋係正常交往，言行亦無違國安法，所以唔會自我審查、自製寒蟬效應。
更多港聞
【Emily】海園推夜場派對 4人組隊過關贏禮品
【明報專訊】海洋公園下月6至8、13至15日（均為周五至周日），推出限定夜場派對「夜．玩．派」。參加者可以由下晝5點到晚上9點半，以4人一隊... 詳情
【明報專訊】民主派拉布唔係新鮮事，上星期四立法會審議《成文法》期間，立法會主席梁君彥就決定「剪布」。多個民主派議員噚日約見梁君彥，不滿佢嘅剪...
詳情
【明報專訊】結婚係開心事，但對於囚友而言，疫下結婚分外艱難。社福界邵家臻噚日喺facebook發文，話囚友「亞耀」原本打算於上月底同女友喺赤...
詳情
【Emily】兩蚊搭車建制請願 何副局收「同事」信
【明報專訊】早前傳出政府可能擱置將兩元乘車優惠門檻降至60歲，搞到建制派好不滿，即使勞福局長羅致光日前喺電台澄清，亦無阻建制派繼續請願。經民... 詳情
相關新聞
