【Emily】曾DQ小麗 郭偉勳接任駐武漢辦主任
[2020.10.01] 發表
【明報專訊】年初新冠病毒疫情喺武漢爆發，當地封城，唔少外地人趁封城前趕番家鄉，香港駐武漢辦主任馮浩賢(左)揀咗留喺當地，支援滯留武漢嘅港人。馮浩賢3年任職期滿，即將離開武漢，佢話同武漢人民共同抗疫嘅日子，成為佢人生寶貴嘅經驗同回憶，仲話武漢會係佢第二個故鄉。馮浩賢嚟緊會交棒畀郭偉勳(右)，郭偉勳做過九龍西選舉主任，喺2018年立法會九龍西補選裁定劉小麗提名無效。劉小麗之後提選舉呈請，最近終院裁定，郭偉勳當年冇畀劉小麗解釋立場，有違程序公義同選舉公平。
內地中新網報道，2017年9月出任駐武漢辦主任嘅馮浩賢周二(9月29日)出席離任酒會，佢提到自己派駐武漢前冇駐外經驗，而隨住工作逐漸深入，對武漢嘅印象同感情亦愈嚟愈深刻。
更多港聞
相關新聞
