【Emily】泛民撐利君雅 吳秋北：叫林鄭「講人話」涉人身攻擊
[2020.09.29] 發表
【明報專訊】港台助理節目主任利君雅暫未能通過3年公務員試用期，試用期被延長120日，前日消息一出即引來政界中人評論。多名民主派議員噚日喺網上力撐利君雅，包括民主黨許智峯、林卓廷等，阿廷批評「逼害記者可恥」。建制派就唔係咁諗，港區人大代表吳秋北覺得，利君雅被奉為「女神」，係「帶衰媒體價值取向」。
多名民主派議員喺facebook聲援利君雅，公民黨黨魁楊岳橋認為，利君雅喺舊年7月至11月記者會嘅表現「好好」；黨主席梁家傑亦叫利君雅「加油」。
楊岳橋：記者會利表現「好好」
舊年7月，利君雅喺記者會上叫特首林鄭月娥「講人話」，吳秋北噚日重提呢件事，話「咄咄逼人姑且算是一種訪問技巧」，但要求受訪者「講人話」就「涉嫌人身攻擊了吧」，反問點可以「姑息縱容，吹捧利用」呢啲記者。
吳：港台效忠政府係本分
吳秋北認為，港台作為「官媒」，向特首負責，效忠政府係本分，不分立場階層、為全社會服務係本職，「正本清源正正是港台，是公務員隊伍的當務之急」。新民黨李梓敬噚日喺fb發文，叫覺得利君雅有問題嘅人讚好，未夠半日，有近7000人「畀like」。
更多港聞
【Emily】傘運6年 李永達詳述夏愨道點樣被佔
【明報專訊】雨傘運動至今過咗6年，唔少政治人物對當年9月28日警方施放催淚彈一事歷歷在目。佔中9人案被告之一、民主黨前主席李永達話之前上節目... 詳情
【明報專訊】疫情下，唔少記者會都用Zoom舉行，噚日大學教育資助委員會（UGC）傑出教學獎嘅記者會都唔例外。噚日大會聘請嘅公關公司安排記者先...
詳情
具特別才華 不看DSE直接取錄 「學校推薦」新機制 科大有課程擬參加
【明報專訊】學校課程檢討專責小組上周交最後報告，建議8間資助大學推出「學校推薦直接錄取計劃」（下稱計劃），每間中學可推薦兩名在STEM、體育... 詳情
相關新聞
