【Emily】六合彩復投6個鐘 投注額1100萬
[2020.09.18] 發表
【明報專訊】停止咗7個月嘅六合彩攪珠下星期四(24號)晚舉行，噚日中午恢復接受投注，但只接受網上同電話投注，市民仍未可以喺投注站買六合彩彩票，據聞噚日有一啲市民到投注站想買番張彩票，結果未能如願。
雖然恢復攪珠嘅六合彩暫無巨額多寶，頭獎一注中有800萬元，但無減市民熱情，喺受注頭6個鐘頭已經有接近1100萬元投注額，已經係平時普通一期攪珠嘅四分之一投注額。馬會發言人話，呢筆款項中部分投注額係「固定指示」同「多期攪珠」注項，即係一啲預早設定買嘅注碼。
馬會暫時只公布首3期攪珠日期，分別係24號、29號同10月8日，其中10月1日適逢國慶賽馬日，所以馬會將攪珠日期提早到同一個星期嘅星期二、即9月29日。
更多港聞
【Emily】唔講「冧巴貼士」 許正宇叫記住1014
【明報專訊】財經事務及庫務局長許正宇噚日出片「快問快答」講《施政報告》，其中一條答嘅問題係入政府前喺金融界打滾嘅佢有咩心水「冧巴」建議畀大家... 詳情
【Emily】陳凱欣執屋搵番單反 「記錄另一階段人生」
【明報專訊】立法會議員陳凱欣早前執屋，發現朋友送畀佢嘅單鏡反光相機，原來背後都有段古。陳凱欣話當年做記者收入唔多，想儲錢買部單反都要諗過度過... 詳情
【明報專訊】新冠病毒疫情爆發後，學校出現退學潮。教聯會昨公布有關退學趨勢的問卷調查結果，逾六成受訪學校本學年收生人數下降，逾半有學生退學的學...
詳情
相關新聞
