【Emily】稱無理想效果 小麗退出工黨
[2020.09.10] 發表
【明報專訊】繼工黨創黨成員、中大新聞與傳播學院客席講師梁啟智後，立法會前議員劉小麗噚晚亦喺facebook宣布，佢本人及小麗民主教室將退出工黨。
2018年6月入黨嘅小麗話，一直希望為工黨增添力量，促進左翼回應急速轉變嘅時局，可惜因各種複雜問題而未有理想效果，故退黨以另一種方式喺民主路上合作，繼續對抗貧富懸殊、匡扶弱勢、爭取民主嘅工作。
工黨主席郭永健向Emily確認已收到小麗退黨通知，佢覺得有啲可惜，指九西補選後相處、合作機會都比較少。接連有人退黨，郭話擔心「一定有」，工黨內部都傾過，承認現時發展困難，理解部分黨友意興闌珊，亦指政黨定有高低潮，除理念外，情感維繫都好重要，可能呢方面工夫不足。
被問到會否擔心「亡黨」，郭永健話未到咁悲觀，唔少黨員都對黨有深厚感情，亦冇人要否定工黨創黨理念，只係對如何回應香港社會，大家睇法有不同，未來都會開檢討會。
更多港聞
創意書院將辦初中課程 副校：轉校入讀高中適應需時 盼更早陪學生
【明報專訊】以培養學生藝術設計及文化見稱、位於樂富的高中直資學校香港兆基創意書院（下稱創意書院），近日宣布開辦初中課程，最快2021/22學... 詳情
相關新聞
