【Emily】指收僱傭中心員工報料 之鋒：民處促搵外傭同時間普檢
[2020.09.08] 發表
【明報專訊】政府推出為市民免費檢測新冠病毒嘅普及社區檢測計劃，前香港眾志秘書長黃之鋒噚日喺facebook出post，指有喺僱傭中心工作嘅市民聯絡佢，話上星期五收到中西區民政事務處嘅公務員短訊及電話，話高官周末會去大會堂檢測中心巡視，促對方安排50個外傭同一時間去做檢測；仲引述對方指職員喺電話中話，「你每叫10個外傭嚟做檢測，就可以有$200收」。
被指出錢搵人 民政：絕無此事
中西區民政事務處回覆Emily話，各政府部門有責任協助鼓勵社區不同持份者，包括外籍傭工，參與檢測計劃，而網上流傳佢哋有金錢回報畀僱傭中心嘅消息，則「絕無此事」；中西區民政事務處有鼓勵地區團體向外籍傭工解釋呢個計劃及勸喻佢哋參與檢測。但就未有回應係咪要對方喺官員落區時配合做。
黃之鋒噚日發文，指民政處職員上周五問該僱傭中心工作員工，組織外傭喺上周末去大會堂做檢測，時間可以配合，該僱傭中心員工最終回覆話老闆唔做。之鋒話，報料者透露，公務員打畀佢哋時講明，每叫10個外傭去做檢測可以有200蚊。之鋒質疑民政處「擺明以金錢利誘，動用銀彈攻勢……增加檢測數字」，指事件已證明政府檢測數字充滿水分。
翻查資料，政府並無出稿話官員去咗大會檢測中心視察；民政事務局長徐英偉上周六去咗離島區特別採樣中心，相片所見檢測位置坐滿市民。
更多港聞
【Emily】「日佔後從無間斷」 大坑中秋無火龍
【明報專訊】今年中秋無火龍。「大坑夜龍」facebook專頁噚日公布，因應新冠病毒疫情傳播風險不確定，為免群眾聚集，大坑坊眾福利會取消9月3... 詳情
【明報專訊】人民力量副主席譚得志（快必）日前因涉「發表煽動文字」被捕，被指過往開街站期間言論煽動對政府嘅憎恨同民間不滿。facebook專頁...
詳情
【Emily】廉署「榮光」盆栽被質疑 原來關卡通事
【明報專訊】Emily噚日喺討論區見到有網民發帖，見到有人影到廉署東九龍及西貢分區辦事處裏面地下有一個小盆栽，個白色花盆有「榮光」兩字，發帖... 詳情
【明報專訊】近年電話騙案猖獗，中招市民損失慘重，為咗教街坊唔好亂咁信詐騙電話，民建聯前區議員林琳噚日親身上陣，同一個詐騙電話騙徒對話，仲即場...
詳情
相關新聞
