【Emily】開壇熱身 蘇B重返維園直播
[2020.09.07] 發表
【明報專訊】陪伴港人成長嘅港台長壽電視節目《城市論壇》今年踏入40周年，但疫情下有超過半年無喺維園音樂亭「開壇」。新一季節目開始前，主持人蘇敬恆(蘇B)噚日先帶大家返維園熱吓身，佢喺網上直播同觀眾講：「40年來，我哋都希望可以喺一個開放嘅環境、空間，畀大家喺毫無恐懼下表達諗法」，所以節目一直都想喺戶外做直播。
希望喺開放環境 無恐懼表達諗法
雖然因為疫情同限聚令，節目未必可以好快返維園，但蘇B話希望大家一齊「普及論政、普及發聲」，市民可就社會唔同議題發表睇法。
立法會選舉押後一年，蘇B噚日中午自己喺維園草地做網上直播、並無嘉賓，佢話「上一季《城市論壇》最後嗰集，我哋仲傾緊立法會選舉，估唔到世事變化實在太快」。蘇B話新一季節目開始前，想帶大家返嚟維園，感受一吓自由嘅空氣。
《城市論壇》上一次喺維園舉行要數到上年11月24日區議會選舉日，隨後曾移師其他公園。今年初疫情來襲，更試過喺錄影廠、港台大樓天台等「開壇」直播。
更多港聞
【Emily】被指六七帶學生放菠蘿 程介明呼冤
【明報專訊】港大前副校長程介明教書時經常畀學生問問題，噚日佢喺港台節目《舊日的足跡》都畀主持人問到一件往事。程介明曾經喺培僑中學教書，早前流... 詳情
【明報專訊】自從疫情喺本港蔓延，多區區議會都有撥款買防疫物資，西貢區議員「將向天晴」葉子祈上周五喺fb話接到市民投訴，話西貢區議員「區政聯盟...
詳情
教局重編教材「不守規自食其果」 局方撰文談自律 校長憂被解讀「學校無教守規」
【明報專訊】大批學生在反修例運動被捕，部分人遭檢控及定罪。教育局首席教育主任（特別支援）陳展桓昨在網上專欄「局中人語」稱，「為鞏固學生明白守... 詳情
【明報專訊】中小學部分年級9月23日恢復面授課，港大9月22日起可選擇回校或網上課堂。香港樹仁大學亦宣布，10月5日全面恢復面授，稱疫情放緩...
詳情
相關新聞
