【Emily】葉劉話當年得罪陳太冇職升 稱因直接向董匯報惹不滿
[2020.07.04] 發表
【明報專訊】前政務司長陳方安生早前宣布退出政壇，新民黨主席葉劉淑儀噚日就自爆當年同陳太「交手」嘅往事，仲話當年得罪咗陳太，結果無職升。
葉太喺佢個YouTube節目《阿太主場》話，回歸後做保安局長，當時陳太係佢「老闆」，但陳太對保安工作唔太認識，而有啲事佢直接向時任特首董建華匯報，覺得陳太因此對佢有啲不滿。
稱最大導火線係吳嘉玲案釋唔釋法
佢話最大導火線就係當年居港權爭議，喺1999年嘅「吳嘉玲案」中，大家商討點處理，陳太建議修改《基本法》，反對請中央釋法，但葉太覺得基本法生效兩年未到就要修改係無可能，中央釋法係較務實嘅做法。
話董建華特意叫陳太升番佢「補數」
葉太話署任仍是公務員職系嘅保安局長一年幾，大家都諗住佢有得「坐正」，點知當時陳太係晉升選拔委員會主席，葉太無得「升正」、被「燉冬菇」，話當時覺得好瘀。佢又話董建華後來知道，就吩咐陳太半年內再開一次晉升選拔委員會，升番佢做保安局長「補數」。
葉太又講番陳太當年會邀請女官員去屋企，仲會親自下廚。葉太亦讚陳太廚藝，話難忘佢煮嘅洋葱鴨。葉太話，當時佢哋嘅社交圈子號稱「手袋黨」，因為聚會嘅女人都攞住手袋，不過葉太就話自己唔係陳太嘅親信。
更多港聞
【明報專訊】疫情下超過5個月無舉行嘅六合彩攪珠，終於重開有期喇！香港賽馬會噚日宣布，隨住疫情漸趨緩和，經審視投注站重開後運作情况，決定7月2...
詳情
【Emily】建制促立會票站裝閉路電視 選管會：投票保密重要
【明報專訊】立法會選舉9月舉行，選管會早前公布選舉指引，決定唔會設關愛隊等，經民聯梁美芬、民建聯葛珮帆、工聯會麥美娟同何君堯噚日舉行「選舉公... 詳情相關新聞
