【Emily】政府資助科企請研究生 每月至少1.8萬
[2020.07.02] 發表
【明報專訊】創新科技署噚日宣布推出「研究人才庫」計劃，合資格嘅科研公司可以網上提交申請，請科研人員，每個月攞到18,000至32,000元資助。所有喺香港辦研發活動嘅科技公司、香港科技園公司、香港數碼港管理有限公司嘅培育公司及做創科工作嘅租戶，仲有獲「創新及科技基金」資助進行研發項目嘅公司或者機構都可以申請。
學位要同科學科技工程數學相關
呢個計劃資助每間合資格公司，聘請4個有學士、碩士或者博士學位嘅畢業生做研發工作，佢哋嘅學位要係同科學、科技、工程和數學相關嘅學科，聘用期最長3年。公司請咗本地大學學士學位嘅研究生，每個月最多可以攞18,000元津貼；請咗碩士學位嘅研究生，每個月最多攞21,000元；請咗博士學位研究生每個月最多攞32,000元。
「研究人才庫」由「研究員計劃」同「博士專才庫」整合而成，全年接受申請，合資格公司可以經「創新科技署基金管理系統」提交申請及喺「創新及科技基金」網頁查詢詳情。
更多港聞
【明報專訊】《港區國安法》前晚刊憲，8間資助大學校董會主席於條例生效10小時後，昨晨發表聯合聲明支持國安法頒布及實施，稱「國安法的落實將可為...
詳情
相關新聞
