【Emily】七一升旗無公眾觀禮區
[2020.06.30] 發表
【明報專訊】聽日係香港回歸23周年，政府將於灣仔金紫荊廣場舉行升旗儀式，之後喺會展搞慶祝酒會。過去都有市民趁七一升旗禮分別去示威同觀賞升旗，不過政府噚日出稿話，考慮到近日嘅公共衛生風險，升旗儀式唔會設立公眾觀禮區。
七一當日限聚令仍生效，多個團體申請遊行亦被政府以限聚令等原因禁止。政府噚日出稿無交代今次升旗禮同酒會有幾多嘉賓，只係話特首林鄭月娥同政府高層官員出席。升旗儀式聽朝8點舉行，由警察樂隊奏樂，歌唱家陳永、黃華裳領唱國歌；紀律部隊會喺空中同海上敬禮。酒會將由特首主禮。
上年七一正值反修例風波，安全風險下嘉賓要喺室內睇升旗，當日示威者闖入立法會大樓。立會噚日就通知議員，經行管會同意，基於保安考慮同按現行安排，立會今晚8點會關閉大樓，7月2日朝早重開，而7月1日就唔會提供公眾服務、亦不接待訪客。
更多港聞
【Emily】話國安法如販毒例 EQ：市民唔覺有影響
【明報專訊】「港區國安法」仍未公布草案內容，公民黨主席梁家傑日前質疑，條例影響全港700萬人但條文連特首都未睇過。民建聯立法會議員葛珮帆（E... 詳情
【Emily】《文匯》點名「獨人」 劉頴匡：沒授權做代理人
【明報專訊】民主派下月舉行初選，《文匯報》噚日全版報道話有9名參選人「暗獨」、「提倡香港民族意識」等，其中被點名「獨人」嘅民間集會團隊發言人... 詳情
【Emily】慶成立120年 中總派糉1.2萬隻
【明報專訊】香港中華總商會今年成立120周年，為熱烈慶賀，同時為全港市民抗疫打氣，特別舉辦派送愛心糉公益活動，將12,000隻糉送到港九新界... 詳情相關新聞
