【Emily】阿廸舉「最佳主席李慧琼」牌被趕 梁君彥話屬反諷

議會陣線朱凱廸（舉牌者）噚日喺立法會展示印有「最佳主席李慧琼」紙牌，被立法會主席梁君彥趕離會議廳。阿廸問：「（紙牌內容）點樣侮辱性？梁君彥你有冇道理講呀？」（楊柏賢攝）

民主黨尹兆堅噚日展示「HiHi 主席梁君彥」加「大口仔與狗」嘅紙牌無被大會主席梁君彥趕走，佢話梁君彥可能唔明HiHi係咩意思，以為真係打招呼。（尹兆堅facebook圖片）

【明報專訊】立法會噚日繼續國歌法二讀辯論，會計界梁繼昌發言期間，立法會主席梁君彥突然命令議會陣線朱凱廸(阿廸)立即離開會議廳，搞到梁繼昌都窒一窒，即時問點解。原來阿廸展示印有「最佳主席李慧琼」紙牌，梁君彥話佢前日已講咗另一紙牌內容(寫有「李慧琼非法當選」)有侮辱性。阿廸用自備嘅咪大聲問：「點樣侮辱性？梁君彥你有冇道理講呀？你係咪未睇清楚呀？」

梁君彥堅持命令阿廸離場，立法會保安抬走佢，民主黨胡志偉阻止不果，會議暫停。梁君彥復會後話上周嘅大會，有人對內會主席李慧琼多番作出冒犯言辭，已預告如果有議員再係咁，佢唔會警告，而會直接要議員退席，又話「最佳主席李慧琼」嘅紙牌，係反諷、侮辱李慧琼。

尹兆堅製「HiHi主席」牌

民主黨尹兆堅之後準備咗印有「HiHi主席梁君彥」同卡通人物「大口仔」及一隻狗仔嘅紙牌，放喺議員席。佢喺facebook話阿廸因為「最佳主席」被趕，佢唯有「問候主席」。

更多港聞

【Emily】律師會改選理事 「開明派」5人4勝出

【明報專訊】律師會噚晚改選理事，由於疫情，會議限制人數。共有10人競逐5個改選理事席位，包括「人權律師」林洋鋐等5人組成嘅「開明派」名單，佢... 詳情

【Emily】林鄭落北角簽名撐國安法

【明報專訊】中央宣布要立「港區國安法」後，建制派亦成立「香港各界撐國安立法聯合陣線」，近日喺全港各區擺街站收集市民簽名支持立法，繼一眾司局長... 詳情

【Emily】貼反23條舊相 梁家傑3問湯家驊

【明報專訊】資深大律師梁家傑（傑哥）、湯家驊（Ronny）等人2003年一齊反23條立法，及後一齊創立公民黨，Ronny喺2015年退黨。人... 詳情

【Emily】助被捕者無歸家 黃國桐踢拖開區會

【明報專訊】九龍城區議會噚日開會，本身係律師嘅區議員黃國桐（桐叔）噚日「踢拖」出席會議（圖）。該區議員曾健超（Ken）透露，桐叔開會時著拖鞋... 詳情

升小整體滿意率9年新高 校長稱選校風氣變 家長不再盲看成績

【明報專訊】新學年入學小一的「統一派位」（俗稱大抽獎）受疫情影響，改由6月3日至4日（下周三及四）郵遞結果至家長。73.1%學生於統一派位階... 詳情