【Emily】警遊樂會6.5萬買4泳衣脫水機 陳帆拒公開會所圖則：信「用家」判斷
[2020.04.30] 發表
【明報專訊】立法會工務小組委員會噚日審議港鐵沙中線工程追加撥款嘅申請，因應沙中線工程，港鐵耗資約3億元為太子警察體育遊樂會做優化工程。政府文件披露會所買咗咩新設備，當中用6.5萬元公帑買咗4部「泳衣脫水機」。Emily上網查過，有網店聲稱呢種脫水機可以8秒內乾泳衣同泳褲，一部要1900蚊美金，即約1.4萬港元。
路政署文件披露，銅鑼灣警官會所重置後面積比之前大一半，超支3億元，至6億元。運房局長陳帆會上話因保安理由，公開圖則超出該局專業範圍，佢要信納「用家」即警方嘅專業判斷。呢個說法激到民主黨胡志偉大鬧陳帆「無腦」。
會所重置超支 用6億公帑
熱血公民鄭松泰形容拎6.5萬買4部泳衣脫水機好離譜，要求交代邊個決定要買。建築署長陳派明話，增加新設備時有同警務處商討，睇吓設施係咪合適，佢話係因應會所有泳池而作「相應配合」。
開支中亦包括增添兩部總值3.3萬元嘅咖啡機；3部總值近14萬元嘅65吋電視機，即一部平均4.6萬元。公民黨陳淑莊批評政府容許警方用平均萬幾蚊買一部咖啡機，同十幾萬買電視機，質疑係咪攞咗錢就可以做大花筒。
更多港聞
【明報專訊】全國人大政協兩會5月底喺北京舉行，有身兼立法會議員嘅政協就同Emily話，擔心唔知到時有無得豁免強制檢疫，否則或返唔到立法會開會...
詳情
【明報專訊】民主派立法會選舉嘅協調工作如火如荼，前晚就舉行「超級區議會」界別嘅協調會議，據了解，會上至少有7個政團或有興趣人士出席會議。會議...
詳情
【明報專訊】立法會噚日就《財政預算案》二讀，民主派狠批預算案中警方開支大增，保安局長李家超噚日就預算案發言時借題發揮，鬧泛民提出削減警隊開支...
詳情
【Emily】獲贈生日蛋糕 肥老闆話要餵林健鋒
【明報專訊】經民聯立法會議員張華峰（左二）周六就係68歲生日，一班黨友噚日提早同佢慶生。疫情下，肥老闆維持大好友本色，講笑話今年願望係恒指重... 詳情相關新聞
