【Emily】區議員去試場 幫考生登記選民
[2020.04.27] 發表
【明報專訊】選民登記將會喺5月2日(周六)截止，各黨派都盡最後努力衝刺，幫巿民登記做選民。中西區一班獨立民主派區議員，就趁今日文憑試通識科開考，去區內4間中學試場，搵應屆考生做登記。根據選舉事務處資料，只要今年7月25日之前年滿18歲，就可以登記成為選民，相信唔少文憑試應屆考生都符合資格。
18至30歲登記率較低
「身體力行實踐通識精神」
中西區區議員葉錦龍(Sam)就同Emily講，見到18至30歲登記率較低，「冇理由錯過呢班後生仔」，適逢今日考通識，認為大家都應該盡公民責任，「身體力行實踐通識精神」，相信考生考完試後，都可以拎份選民登記表格填寫，仲話過兩日考中文、英文，都會幫手登記。
會唔會擔心被人話「將政治帶入校園」？Sam就話做選民係公民責任、權利，「等於話畀佢哋(考生)聽大個仔，大個仔先可以做選民」。
麥美娟都出post呼籲登記
另一邊廂，工聯會麥美娟都出post呼籲5月2日前盡快登記做選民，批評「攬炒派」近日「惡意拉布」，令內會開咗10幾次會議都未選到主席等等，強調「攬炒冇運行」，叫大家倒數一星期要登記做選民。
更多港聞
【Emily】第一次整咖啡 柯仔整400次咖啡
【明報專訊】好多市民近排多咗時間喺屋企鑽研廚藝，韓國嘅「400次咖啡」更成為大熱。平時唔飲咖啡嘅民建聯立法會議員柯創盛都跟風，教大家整「40... 詳情
相關新聞
