【Emily】郭家麒話梁美芬本領高 做唔到立會法律顧問
[2020.04.25] 發表
【明報專訊】立法會內委會噚日會議仍未選出主席，建制派同泛民議員幾乎每次開會都唇槍舌劍一番。本身係法律學者嘅經民聯梁美芬話，唔同意立法會法律顧問有關內會原主席權力嘅意見，公民黨郭家麒隨即話，梁美芬既然唔同意法律顧問意見，可以應徵做法律顧問，不過認為立法會會因為佢嘅「水平問題」，唔會聘請佢。
梁美芬要求收回言論
梁美芬聽到即刻激動地提出規程問題，要求郭家麒收回言論。郭家麒就解釋，自己係想話梁美芬「水平咁高」，「教憲法，又識捉老鼠」，本領好高，做立法會法律顧問係「嘥咗你」。
譚文豪笑建制「見掣就撳」
內會噚日處理公民黨議員譚文豪提出有關立法會保安嘅無約束力動議，建制派「班長」廖長江話佢代表建制派聲明，唔承認郭榮鏗有權處理呢啲動議，而佢哋只不過係投「抗議票」。譚文豪就揶揄話，雖然你哋係「建制派」，「見個掣就撳」，問佢哋要唔要先打電話畀中聯辦，問一問「唔投票會唔會畀人DQ(取消議員資格)」。
會計界議員梁繼昌叫廖長江澄清邊啲係建制派議員，話因為議會內有好多人聲稱係「中間派」。廖長江回應話，除咗立法會主席梁君彥，佢代表所有建制派。
更多港聞
【明報專訊】衛生署衛生防護中心傳染病處主任張竹君連續72日開疫情記者會，醫學界議員陳沛然噚日喺立法會衛生事務委員會話，留意到張竹君連續返工咁...
詳情
【明報專訊】中學文憑試（DSE）噚日朝早開考，近日各界人士紛紛為DSE考生打氣。油尖旺區議員陳梓維噚日11點幾喺DSE開考後，喺facebo...
詳情
相關新聞
