【Emily】梁美芬立會講基本法 超時被叫停 葉太競選主任曾批中聯辦干預
[2020.04.21] 發表
【明報專訊】立法會內會未選出主席，港澳辦、中聯辦開腔譴責，結果引起後者係咪違反《基本法》22條嘅爭論。立法會政制事務委員會噚日開會，民主黨黃碧雲提出要就近日有關22條爭議召開特別會議，要求政府交代，經民聯大律師梁美芬(圖)喺會上專家上身，但就被委員會主席、民建聯張國鈞叫停。
譚文豪：葉太自己人都咁講
身兼基本法委員會委員嘅梁美芬喺會上解釋如何正確理解《基本法》，但由於發言超時而被委員會主席張國鈞制止，美芬即刻嬲豬咁話：「你Shut me up都無用㗎。」而公民黨譚文豪就翻舊帳，話新民黨主席葉劉淑儀喺2017年參加特首選舉時，其競選總新聞主任彭仕敦(Mark Pinkstone)曾撰文話中聯辦干預香港選舉，提到葉太最有資格做特首，點知就畀中聯辦干預，譚話「你自己啲人都咁講啦，葉太」、「葉太好似講到自己好權威咁」。
葉太話該主任唔了解基本法
對於被翻舊帳，葉太同Emily講佢無咩回應，因該總新聞主任係澳洲人，對《基本法》唔了解，提出個人意見。佢強調自從2017年選舉後都無見過對方。
另外，會議上亦通過咗由民建聯主席李慧琼提出、就有關立法會選舉指引嘅無約束力動議，包括畀所有持長者卡嘅選民可以優先投票等。
更多港聞
【Emily】譚德塞籲尊重醫護 網民貼理大醫護被捕相洗版
【明報專訊】世衛應對疫情嘅表現備受爭議，總幹事譚德塞噚日就喺Twitter發文，呼籲大家要尊重醫護中立，仲話「攻擊醫護等同攻擊人道主義（At... 詳情
【明報專訊】留家抗疫令唔少機構同學校轉用視像會議軟件開會同上堂等，但衍生唔少私隱問題。個人資料私隱專員黃繼兒噚日向記者介紹公署新增咗4個網上...
詳情
【Emily】傳有意參選 近期較活躍 霍啟剛世界閱讀日陪仔睇書
【明報專訊】4月23日係世界閱讀日，盛傳有意出戰9月立法會「體育、演藝、文化及出版界」嘅港協暨奧委會副會長霍啟剛，喺facebook分享同囝... 詳情
行業學堂：嶺大環球博雅教育 着重交流 擴闊視野
【明報專訊】大學五件事：住宿舍、exchange（到外地交流）、拍拖、上莊（組織學會內閣）、做兼職，你認為哪件事最重要？如果你選擇excha... 詳情
相關新聞
