【Emily】吳文遠呻再被迫換新iPhone 前日有份被捕 單雞孖太太遠足

民主黨單仲偕（左）前日被捕，但似乎無損心情，噚日就同太太去行九龍水塘。（單仲偕fb）

【明報專訊】15名民主派中人前日因為涉嫌組織、參與未經批准集結等罪名被拘捕，事件引起國際關注，但各人獲准保釋後似乎都無損心情。其中一個被捕者、民主黨葵青區議會主席單仲偕(單雞)噚日孖住太太去九龍水塘遠足，兩公婆笑笑口自拍，心情睇�蟑蠵龤C

單：抗爭要意志強 抗疫要身體好

單雞�鐪acebook出post，話「抗爭要意志強，抗疫要身體好」，要堅持鍛煉咁話，唔少泛民好友，包括教育界議員葉建源、民主黨黨友黃碧雲都紛紛留言，叫佢加油。

另一邊廂，社民連秘書長吳文遠就同Emily講，噚日繼續同埋同樣被捕�巀狺芘嶸E銘、梁國雄開街站，要求政府設立失業援助金，「一切如常，繼續篤眼篤鼻」。

吳：上次被捕沒收5s 今次收iPhone7

不過，佢都有呻自己又要換電話，皆因佢��2017年因為泄露時任民政局常秘馮程淑儀被廉署調查而被捕，當時佢被沒收一部iPhone 5s，直至案件今年審結先還番畀佢，佢冇耐先坐完監，唔夠3個星期又被拘捕，今次佢就被沒收iPhone7，所以要買iPhone SE咁話喎。