【Emily】療傷逾年 都爹利街煤燈石階復舊貌

都爹利街石階受超強颱風「山竹」嚴重破壞，古蹟辦喺風暴過後派員撿回石階殘件，在場撿到200幾件。（發展局提供）

古蹟辦利用三維掃描技術記錄石階損毁情况，再將石階碎件按比例縮小打印出嚟，然後加上編號，令日後在現場重砌石構件時更精確。（發展局提供）

【明報專訊】前年9月超強颱風「山竹」來襲，百年古蹟、中環都爹利街嘅石階同煤氣燈畀倒塌石牆樹壓毀。發展局長黃偉綸噚日喺網誌話，經過一年幾修復，石階已回復舊貌，煤氣燈亦喺上年12月23日傍晚重新亮起。

黃偉綸話修復過程中，古蹟辦遇到唔少挑戰，包括煤氣燈同石階涉及唔同修復技術，要分開處理；其中本港缺乏煤氣燈資料同修復工藝，古蹟辦要翻查歷史同維修紀錄、分析物料等，經一輪努力，古蹟辦聯絡到煤氣燈嘅英國原供應商，並聘請英國專家到港探討點樣修復，經詳細檢查，損毀嘅3盞燈頭同1支斷成多段嘅鑄鐵燈柱都有得整，喺上年9月運返英國入廠。

石階亦損毀嚴重，當時收集到200幾件石階殘件，好在古蹟辦前年初曾為石階做三維掃描，留低完整測量數據。古蹟辦歷史建築小組館長伍志和話，風暴後古蹟辦再利用三維掃描，記錄石階損毀情况，再將石階碎件按比例縮小打印出嚟同加編號，方便之後更精確重砌。而被壓毀嘅42個水泥花瓶裝飾，復修人員拼合到29個，其餘13個太重傷修復唔到，只能按原物料複製，並喺新花瓶底面印上「2019」字樣，以資識別。

更多港聞

【Emily】民主黨續推暑期實習計劃

【明報專訊】民主黨今年繼續搞暑假實習計劃，會喺6月到7月底舉行。有民主黨中人話雖然計劃會喺立法會選舉期開始前完結，但「表現正常」嘅同學多會獲... 詳情

【Emily】抗疫連線話40萬口罩派18區保安

【明報專訊】建制派成立嘅「全港社區抗疫連線」連日嚟密密喺地區派口罩等抗疫用品，噚日佢哋就向全港大廈保安員派發。 總召集人、港區人大代表... 詳情

【Emily】退休公僕參戰 張建宗感謝

【明報專訊】政務司長張建宗噚日喺網誌話，唔少現職或已退休公務員響應呼籲，自願參與政府抗疫工作。佢話上星期到訪政府資訊科技總監辦公室（資科辦）... 詳情

【Emily】教聯主席fb教八段錦

【明報專訊】疫情肆虐，強身健體好重要，教聯會主席黃錦良（圖）就親身喺facebook教朋友幾招八段錦，大都只係1分鐘多少少，喺屋企或戶外做都... 詳情

時事懶人包：跑鞋惹不公？

【明報專訊】運動用品公司Nike一款未正式推出市場的高科技跑步鞋，被指可能造成比賽不公，於2020年1月被禁止在正式比賽中使用，是歷來首次有... 詳情