【Emily】出席民主派討論初選會議 海怡街坊 之鋒參選九東？
[2020.03.04] 發表
【明報專訊】立法會選舉9月舉行，各大政治陣營正密密籌備。據了解，民主派前晚曾開會討論九龍東立法會初選問題，席上出現一位「特別嘉賓」，就係一直喺港島海怡做地區工作嘅香港眾志秘書長黃之鋒。Emily聽聞，之鋒或有意轉戰九東。Emily就問過之鋒，但佢截稿前未有回覆。
素人「女神」區議員亦有興趣
坊間一直估計之鋒有意出戰港島區，最近亦有新說法，話佢改為幫人「抬轎」。不過，最新消息話佢有意喺九東出戰。九東多年來一直係相對平靜、無咩驚喜嘅選區，但Emily聽聞，當區有素人有意參選，包括網上甚高人氣嘅素人「女神」區議員。如果之鋒加入戰團，相信會為九東帶嚟新局面。
廿幾歲嘅之鋒，經歷嘅事好多，佢早前出版英文個人傳記 UnfreeSpeech: The Threat to Global Democracy and Why We Must Act, Now。佢近日收到新書後，立即親自送書畀民主黨創黨主席李柱銘(馬丁) ，話要多謝馬丁多年嘅照顧同提攜。
出版個人傳記 收書即送馬丁
之鋒話新書陸續喺美國、英國、德國等多國發售，香港都有得賣。佢話喺雨傘運動一周年時有機會去華盛頓，到美國國會同國務院參加游說工作，係源於馬丁嘅邀請；如果當年無馬丁邀請，就未必有後來眾志全力投入國際連結，同推動《香港人權與民主法案》嘅網絡，佢多謝馬丁為民主運動國際戰線打下根基，令年輕人可傳承得更好。
更多港聞
【明報專訊】疫情令唔少社福機構受影響，好似「惜食堂」咁，佢哋一直推行食物回收同援助計劃，向有需要嘅人免費提供熱飯餐，但因應疫情亦要改成一星期...
詳情
【Emily】民建聯捐300萬 設基金助失業家庭
【明報專訊】政府上周宣布特首、問責官員同埋行會成員會捐出一個月人工後，民建聯亦話13個立法會議員合共捐出300萬元，噚日佢哋宣布會用呢筆錢成... 詳情
【明報專訊】環保署轄下嘅環境運動委員會（ECC），一向負責宣傳教育工作，環保署吉祥物大嘥鬼噚日罕有著住西裝，幫手宣傳委員會招聘宣傳經理。
...
詳情
相關新聞
