【Emily】染疫藍田三口出院
[2020.02.29] 發表
【明報專訊】武漢肺炎疫情中，唔少病人係經家居密切接觸者感染。其中第17號個案、60歲住喺藍田嘅患者就相信傳染咗太太同囡囡。不過好消息係繼爸爸幾日前出院後，太太、女兒都出咗院。囡囡喺facebook出帖，話前後驗咗11次，先驗到連續兩次陰性，符合出院要求。
囡囡又講，與媽媽其實一早無病徵，但因為一直未驗到陰性，所以要繼續留喺隔離病房。佢特別多謝醫護悉心照顧，亦覺得唔好意思，因為當時新聞一直講要去過內地先會感染，所以阿媽同佢都唔知自己當時已被感染，如常拜年同返工，確診嗰陣覺得好似連累咗身邊嘅人咁，好彩最後都無人中招。
佢又喺帖文話，呢一個月全家好似坐過山車咁，要休息一下。而經過3星期住院，屋企蛋都無一隻，不過為安全起見，母女除咗買餸都唔會特別外出。
更多港聞
相關新聞
