【Emily】橋底太陽能燈柱 捱嘲獲平反 議員鄭仲恒影相證夜晚都着
[2020.01.22] 發表
【明報專訊】電影《國產凌凌漆》中達聞西嘅發明品「太陽能電筒」深入民心，近日有連登網民就發現，馬鞍山一條天橋底安裝咗「太陽能燈柱」，發帖者批評政府「做嘢真係無腦」，有人質疑係咪要喺燈柱上面裝多盞燈，又或者會唔會有監控系統。沙田區議員鄭仲恒(Osman)就為「太陽能燈柱」平反，話其實現時太陽能技術系統已經相對先進，只要附近滲到光，已經能夠着燈，佢仲親自影相，力證燈柱夜晚都會着燈。
「現技術先進 附近滲光就得」
點解會出現「太陽能燈柱」？Osman同Emily講，因為沙田污水處理廠要搬遷，附近一帶地盤由渠務署負責管理，所以燈柱唔係跟一般路政署嘅標準，改為按承辦商嘅概念設置太陽能燈柱。
Osman話，呢種太陽能燈柱嘅成本及維修花費，都較傳統燈柱低，對於網民質疑，Osman就話現時太陽能技術較先進，唔需要太陽光直射太陽能板，只要附近有光滲到已能夠着燈。
Osman又話，政府一直都「唔做唔錯」、唔肯試新嘢，「冇咁醒起太陽能燈柱」，難得有機會見到新意念、有人用創新產品，唔希望因為燈柱喺網上受到批評，就令政府部門冇膽去試新嘢。
更多港聞
【Emily】跟原著 歌詞唔啱音 《啟明Disco》講勞福
【明報專訊】被形容係洗腦歌、部分詞填到完全唔啱音嘅《野狼Disco》最近爆紅，工聯會立法會議員何啟明都乘勢二次創作咗一首《啟明Disco》，... 詳情
【Emily】揮春現「有牙老虎」 黃繼兒：專登加
【明報專訊】個人資料私隱專員公署成日畀人話係「無牙老虎」，既無刑事調查權，亦無檢控權。公署噚日舉行年結記者會，派咗兩張揮春畀記者，分別寫住「... 詳情
【Emily】葉建源立會開檔 「尊重民意」揮春贈高官
【明報專訊】教育界立法會議員葉建源噚日喺立法會開檔，收柯打幫議員同事寫揮春，並分別寫咗幾張揮春畀香港人、教育界同政府。佢話香港最需要係「香港... 詳情
【明報專訊】新春將至，6個宗教領袖噚日發表「庚子年（2020）新春文告」，話喺香港社會不穩定同經濟不明朗嘅時局下，籲大眾攜手同行，放下暴力，...
詳情
相關新聞
