【Emily】林鄭赴立會新春午宴 泛民擬杯葛
[2020.01.04] 發表
【明報專訊】新春將至，立法會將喺2月7號舉行新春午宴，特首林鄭月娥、一眾行政會議成員同政府高級官員都會一齊出席。不過，行政立法關係處低點，民主派立法會議員極不滿政府至今未回應五大訴求，Emily聽聞，民主派好大可能杯葛午宴。
尹兆堅：聚無可歡 歲無可賀
民主黨尹兆堅、公民黨郭家麒同社福界議員邵家臻都同Emily講，唔會出席午宴。阿尹話，政府無問責，令到民不聊生，「聚無可歡，歲無可賀」；亦有泛民立法會議員同Emily 講，整個民主派傾向杯葛。
去年立法會新春午宴，全體民主派立法會議員杯葛，話宴會只係形式嘢、無實質效用。現時政治形勢咁緊張，相信民主派同政府有排都唔會破冰。
更多港聞
相關新聞
