【Emily】葉劉指票贏自由黨 田北俊：不知悔改
[2019.12.16] 發表
【明報專訊】建制派喺區議會選舉大敗，派28人參選嘅新民黨更全軍覆沒，呢個結果似乎無打沉本身係行會成員嘅新民黨主席葉劉淑儀嘅信心，佢接受now新聞台訪問時就話唔擔心新民黨嘅前路，更話雖然無咗議席，但得票總和都比派出12人參選、取得5席嘅自由黨多。自由黨榮譽主席田北俊見到個訪問就喺facebook隔空回應，形容葉太搞到同新民黨合併嘅公民力量「滅黨」都不知悔改，「仲要寸自由黨總票數比佢少」，話「葡萄都無用啦，多票數又點啫，咪又係一席都無」，hashtag就寫「又無得選特首」。
新民黨28人全敗 自由黨12選5贏
田大少嘲搞到公民力量「滅黨」
無論係葉太個訪問，定係田大少嘅回應，都喺連登討論區有討論，有網民形容葉太話總票數比自由黨多嘅說法，就等同「雖然輸波，但控球時間較長」。有網民就話自由黨本身參選人數少，無得比較。葉太喺訪問中話，敗選係因為政府施政引起，「需要問責嘅係政府唔係我」，佢話無黨員要求佢辭職，又話如果有人能夠領導新民黨，「包括每年能夠籌幾千萬，咁咪做主席，我唔係好志在㗎」。
葉太又話，建制派應該反思日後再有政治風波時應該點面對，形容如果好多人上街、包圍你、破壞，政府就盲目讓步，係後患無窮，話政府即使撤回修例，示威者「咪一樣和你傾、和你lunch、和你堵」。
更多港聞
【Emily】美國會幕僚親送 黃之鋒何韻詩收人權法
【明報專訊】美國總統特朗普上月正式簽署《香港人權與民主法案》，美國國會幕僚近日親自嚟咗香港，將法案副本送畀香港眾志秘書長黃之鋒（圖左）同歌手... 詳情
【Emily】區議員「和你傾 」 泛民老鬼教新仔
【明報專訊】候任區議員仲有半個月就上任，好多民主派「老鬼」區議員都密密出席分享會同素人分享地區工作經驗。南區區議員區諾軒、西貢區議員黎銘澤，... 詳情
【明報專訊】工黨噚日舉行周年黨員大會兼亦黨內改選，結果來屆繼續由郭永健做主席，副主席就分別係東區區議員麥德正（黨務）、立法會前議員李卓人（外...
詳情
【Emily】教聯會員3.5萬 主席：反映認同
【明報專訊】教聯會上周六（14日）舉行咗第45次會員大會，會上主席黃錦良報喜，話今年嘅會務有唔少突破，會員人數亦取得長足增長，已接近35,0... 詳情相關新聞
