【Emily】獲政法大學頒發名譽博士學位 失之英國 Junyao He收之北京
[2019.12.07] 發表
【明報專訊】立法會議員何君堯(Junius)10月底畀母校英國安格里亞魯斯金大學撤銷榮譽法學博士學位，之後喺區選落敗，可謂禍不單行。噚日Junius終於收到好消息，獲中國政法大學頒發名譽博士學位，表彰佢喺法律界卓越貢獻同成就。
「國家還君堯一個公道」
Junius前日無喺立法會劾彈特首嘅議案投票，原來佢上咗北京出席有關儀式。佢喺儀式上話最近經歷多次跌宕起伏，感受特別深，話當下西方學術界全盤為政治服務，單憑政客嘅投訴就隨便剝奪他人學位，佢感到失望，形容西方人「賴以為榮的學術自由及言論自由的基石已經都被摧毁了」，今次獲得中國政法大學嘅名譽博士學位，「展示了國家對君堯的支持，還君堯一個公道。」
證書英文名用漢語拼音寫
不過，政法大學畀何君堯嘅英文證書，就將佢個名寫成漢語拼音「Junyao He」，而非粵語拼音「HO Kwan Yiu」
Emily喺中國政法大學網頁發現，原來已故新界鄉議局主席劉皇發喺2012年亦獲佢哋頒發名譽博士學位，立法會前主席范徐麗泰、前律政司長梁愛詩都曾獲頒發相關名譽博士學位。
黃大仙區議員譚香文就喺facebook透露，Junius嘅阿哥係佢舊同學，「佢阿哥即時send(傳)張證書，與我分享佢細佬『何已完』嘅成就，真係手足情深」。
更多港聞
【Emily】婆婆終於去到集會 叫青年be water
【明報專訊】網民噚日下晝喺興芳路遊樂場發起「葵青聯校中學生反警暴」集會，以「葵手抗暴，護我青苗」為題，希望聯合全港學生，同抗警暴。71歲嘅王... 詳情
【Emily】元朗素人區議員 想改議規跟進7?21
【明報專訊】一眾元朗候任素人區議員噚日同傳媒茶敘，分享工作大計。佢哋計劃喺區議會成立工作小組，跟進元朗7．21白衣人襲擊市民事件，計劃邀請受... 詳情
【明報專訊】反修例風波以來，特首林鄭月娥同政府嘅民望急瀉，中大香港亞太研究所噚日公布政府11月份民望，林鄭評分為22.4，較10月跌 3.1...
詳情
【明報專訊】立法會教育事務委員會噚日開會，主持會議嘅新民黨主席葉劉淑儀同泛民議員針鋒相對，先話公民黨陳淑莊失憶，又話議會陣線區諾軒言論「法西...
詳情
相關新聞
