顧美華睇好馬浚偉封金像影帝
[2019.12.06] 發表
【明報專訊】馬浚偉(馬仔)與顧美華前晚出席《生前約死後》電影首映禮。馬仔在台上爆「阿媽」顧美華睇好他攞金像獎影帝，還說不會講大話，令他非常開心。不過馬仔稱最想攞「新晉導演獎」。問顧美華覺得馬仔執導合格與否？她說：「要睇對手，希望他得啦。」馬仔漁翁撒網，幾乎所有獎項都報晒，最終有多少入圍就要看評審。無論有獎與否，馬仔都會積極參與金像獎，邀請他必定出席。
受社會氣氛影響，馬仔與顧美華均認為票房會有影響，馬仔說：「想睇的觀眾自然會去睇，該片是純港產片，希望大家支持本地製作。(會否包場谷票房？)不會，我已叫朋友和家人自掏腰包買飛。」不過他對電影好有信心，做了多場優先場，不單女觀眾睇到喊，連男觀眾都喊。馬仔鑑於現在經濟差，未來會在港做多些製作，為娛樂圈出一分力。
記者：柯美
更多影視
相關新聞
