【Emily】肥老闆疑似被家暴 澄清係剝牙
[2019.11.30] 發表
【明報專訊】金融服務界議員、經民聯張華峰(肥老闆)畀人發現左邊下巴腫咗，仲有一大撻瘀黑色，好似畀人襲擊咁。黨友林健鋒講笑話因為張太識「右勾拳」，搞到肥老闆咁樣。
Emily問肥老闆「家暴」事件係點發生，肥老闆即時話「梗係唔係」，話老婆無打佢，林健鋒只係講笑。佢話之前因為蛀牙而去剝牙，點知搞成咁，可能係牙醫手勢唔好，搞到佢牙肉出血。之後會唔會種番隻牙落去？佢話遲啲先，𠵱家剝牙個位仲痛痛哋。
更多港聞
相關新聞
